Hashash para çdo samiti për integrimin

Mega-gënjeshtra e radhës,

Kundër Republikës së Shqipërisë,

Pa dyshim që është gatuar,

Në kuzhinat e SHQUP-it dhe LSI-së!

 

Ne nuk dimë se ç’vit e ç’numër,

Është marr si pikë referimi,

Por dimë se tre vitet e fundit,

Në minimumin historik ka shkuar kultivimi!

 

Sapo Mega-gënjeshtrën RAI transmetoi,

U shfaq opozita e gëzuar,

Me shpresën se ky lajm do të jetë shkaku,

Sërish negociatat për të bllokuar!

 

Shqipëria është aq e vogël,

Sa për gjysëm dite mund ta monitorosh,

Një pordhë po të bëhet në Konispol,

Për një minutë në Vermosh do ta dëgjosh!

 

Të gjithë e dimë se gënjen RAI 3,

Krejt paturpësisht për Shqipërinë,

Po dimë që gënjeshtra u gatua tek ne,

Ndaj pikësëpari mbetet turpi ynë!

 

Gjithmonë para samitit të zgjerimit,

Do gjendet ndonjë media ndërkombëtare,

Që këtej do sponsorizohet,

Të nxijë realitetet shqiptare!

 

S’po them se janë ngjyrë rozë,

Të gjitha realitetet shqiptare,

Po të paktën lajmi i RAI treshit,

Është një gënjeshtër e madhe!

 

Dihet se anti-mafia italiane,

Monitoron gjithmonë këtu të mbjellat,

Ndaj ajo e para, të tregoji,

Ku janë rrënjët, ku janë parcelat!

 

Dihet se ajo nuk është burimi,

Se është opozita jonë vetë,

Shumë vende larg realitetit,

Gënjeshtrën mund ta marrin për të vërtetë!

 

Hashashi ka qenë e vetmja armë,

Që ka pasur SHQUP-i dhe LSI-ja,

Për ta vetëm të iki Edi Rama,

Pa le të digjet gjithë Shqipëria!

 

Europa ku duam të vemi,

S’më duket aq e pastër or mik,

Gjersa aty çdo zuzar shqiptar,

Merr pa problem strehim politik!

 

Arben Duka