Pas lindjes së dy fëmijëve, Megan Fox vijon të jetë në formë të shkëlqyer. Një ndër aktoret më të dëshiruara në botë nga meshkujt ka folur për revistën “Cosmpolitan”, ku ka treguar linjat e saj të përkryera trupore katër muaj pas lindjes së djalit të dytë.
Megan thotë se femrat duhet të mësojnë ta pranojnë veten megjithë defektet që kanë dhe të mos bien pre e manisë për t’u dukur sa më tërheqëse.
“Femrat nuk duhet të jenë aq shumë të dëshpëruara dhe të mundohen aq shumë për t’u dukur sa më atraktive”, ka thënë ajo, duke shtuar se një dëshirë e tillë mund t’i çojë disa femra drejt depresionit.