Të martën e ardhshme kancelarja e Qeverisë së Gjermanisë, Angela Merkel, do të takohet me kryeministrin e Shqipërisë, Edi Rama, në Berlin.
Zyra e shtypit e kancelares Merkel ka bërë të ditur se Rama do të pritet me nderime ushtarake.
Sipas zyrës së shtypit, kancelarja Merkel po në të njëjtën ditë do të shtrojë një drekë pune për kryeministrin e Shqipërisë. Mësohet se kancelarja Merkel dhe kryeministri Rama do të diskutojnë temat që shqetësojnë rajonin si edhe gjendja aktuale rreth procesit të përafrimit të Shqipërisë me Bashkimin Evropian.
Pas drekës Angela Merkel dhe Edi Rama do të mbajnë edhe një konferencë të përbashkët shtypi.