Një zjarr ka përfshirë një pallat në lagjen “Guerile” në Shkodër. Zjarri në këtë pallat ka rënë rreth orës 15:40, ku janë djegur 6 hyrje apartamenti.
Fatmirësisht nga ky zjarr i fuqishëm ka patur vetëm dëme materiale pasi banorët kanë mundu të dalin në kohë pa u përhapur flakët.
Ndërkohë në vendin e ngjarjes kanë shkuar forca të shumta zjarrfikësish të cilët po punojnë për shuarjen e flakëve. Shërbimet e Policisë kanë evakuar banorët dhe kanë vendosur perimetrin e sigurisë.
Ndërsa grupi hetimor vijon veprimet për sqarimin e rrethanave të kësaj ngjarjeje.
l.h/ dita