“Mes miellit e çizmes, e pamundur të flisja. Koka e krimit nuk mund të më bëjë moral”

Ish-Ministri i Brendshëm Saimir Tahiri ka nisur deklaratën e tij për shtyp ashtu sikurse kishte paralajmëruar.

Me tone të forta e zë indinjues, Tahiri ka deklaruar sot se përse ka heshtur.

Ai është ndalur tek komenti i tij i bërë pas seancës së fundit parlamentare, ku në rrjetin social Facebook shkruajti “Kur gjyqin moral ta bën djalli”.

Tahiri i shikon të gjitha akuzat e drejtuara karshi tij si false, dhe mbi të gjitha nuk mund të drejtohen nga një njeri si Sali Berisha, të cilin ai e cilëson si kokë të krimit të organizuar.

“Prita për dy javë rresht të flisja në kuvend, por mes miellit e çizmeve m’u bë e pamundur dhe nuk kisha rrugë tjetër përveç kësaj që zgjodha për të ndarë me ju një qëndrim timin. Nuk ka ngelur i madh e i vogël që nuk e di se para më shumë se 6 muajsh për mua filloi një tjetër histori që po përballem e do të përballem deri në fund, kam 6 muaj që hesht e dëgjoj, lloj lloj race që nuk ka lënë gjë pa thënë sa të kisha qeverisur për 30 vjet dhe në vend të gjithë atyre para meje, nuk do kisha imagjinuar dot kurrë kaq akuza për veten. Kriminel tjetri, trafikant, diku kokë e mafies, diku ushatar i mafies, njëherë shtyllë e krimit, dru i shtrembërt, këtë e kam quajtur kur gjyqin ta bën djalli dhe e kam fjalën për gjyqin që më bën raca që e ka shkatërruar këtë vend. Nuk jam engjëll, kam punuar dhe kam bërë gabimet e mia..”

s.a/dita