Meta me Edvinin,
kanë qenë të lidhur dhe të zgjidhur,
nga dashuria më e zjarrtë,
gjer tek urrejtja më e hidhur!
Në njëzet vitet e fundit,
të gjitha stinët e mardhënies i kanë kaluar,
që nga flladet pranverore,
gjer tek dimri më i egërsuar!
Me kohë ka ikur koha e Një Prillit,
periudha e dashurisë së zjarrtë,
dhe në këtë mesvjeshte,
janë në temperaturën më të acartë!
Tani dhe kur ishin më të rinj,
i kanë nxjerrë themelet zullumit,
kështu zihen rëndom,
dy arixhinj në breg të lumit!
Meta duket më luftarak,
dhe mendon se populli e dashuron,
ndaj në emër të popullit,
Ramën gjithmonë kërcënon!
Ju i keni dëgjuar polemikat,
përsëritja e tyre s’ja vlen,
gjuhët i mprehin si thikat,
dhe s’dimë më shumë kush gënjen!
I kemi dy elefantë të mëdhenj,
gjithnjë për pushtet të uritur,
kuptohet që s’janë aspak budallenj,
po në popull janë të neveritur!
Metës s’i takon ky pozicion,
pushteti i tij s’ka lidhje me asnjë pushtet,
po meqë Luli me Monën stonon,
Meta dyfekun e ka marrë vetë!
Tani ai po bën punën e opozitarit,
punë që aspak s’i takon,
po kurrë nuk është në rolin e hysmeqarit,
se vetëm për majat synon!
Po Meta në fakt është në majë,
ndaj tjetër hall tani do të ketë,
ka frikë se Rama do mbajë,
qeverinë dhe Mandatin e Tretë!
Ndaj ka filluar sulmin opozitar,
ndaj të gjithë luftën po e bën vetë,
se dhe Meta i humbet të gjitha,
nëse Rama merr Mandat të Tretë!
Rama në duel është më i tërhequr,
me ndonjë batutë e ka kaluar,
fjala vjen kur thotë-se nga halli,
zgjodha një President të shkalluar!
Kaq ka mjaftuar që Meta,
me të gjithë arsenalin të hidhet në betejë,
tani po sulmon me raketa,
e nesër nuk e dimë ç’armë do të gjejë!
A.DUKA