Meta, imazh të ri me krem editorialesh!

Ilir Meta botoi të tretin editorial të tij brenda një muaji, që në fakt ishte një fjalim kushtuar rolit të shqiptarëve në mbrojtje të hebrenjve gjatë Luftës së Dytë Botërore, në një konference organizuar në Belgjikë . Kësaj here, ai dhe citoi, Minshah-in, i cili ka thënë se “Cilido që shkatërron një shpirt, shkatërron një botë të tërë. Dhe kushdo që shpëton një jetë, shpëton një botë të tërë”.  Gjatë promovimit të librit “Kurban”, Rama shpotiste parreshtur Metën kur pyetej nga admiruesit nëse  ai (atëherë kundërshtar politik) e ka lexuar, duke thënë se  Meta nuk lexon. Por Meta, jo vetëm po tenton të pastrojë imazhin e tij politik me gjeste “të urta” politike,  por po përpiqet të pastrohet dhe me protagonizëm publik me anë të editorialeve në gazeta, për të përçuar dhe idenë e një njeriu të lëçitur.  Mbetet të zbulohet se cili është ai talent në Public Relations që po i ofron receta me “kremin magjik” të fjalimeve me citime e shkrimeve në shtypin e përditshëm.