Kryetari i Kuvendit, Ilir Meta, uroi sot Kadri Veselin për zgjedhjen në detyrën e Kryetarit të PDK-së.
Nëpërmjet një deklarate për mediat bëhet e ditur se Kryetari i Kuvendit, Meta, ka përshëndetur zgjedhjen e Kadri Veselit në detyrën e Kryetarit të PDK-së dhe shpreh bindjen se nën drejtimin e tij, PDK do të forcojë rolin e saj si një faktor i rëndësishëm i zhvillimit dhe stabilitetit të Kosovës.
Meta shpreh bindjen se nën drejtimin e Kadri Veselit, PDK do të thellojë kontributin e saj për përballimin me sukses të sfidave me të cilat Kosova përballet, për forcimin e institucioneve, rritjes së mirëqenies së qytetarëve të Kosovës dhe avancimin e axhendës së integrimit të saj evropian.
Gjithashtu, Meta shpreh mbështetjen e tij për forcimin e dialogut politik mes palëve në Kosovë dhe shpreh bindjen se nën drejtimin e Kadri Veselit, PDK do të luajë një rol aktiv në këtë drejtim për përmbushjen me sukses të aspiratave të popullit të Kosovës dhe gjithë qytetarëve të saj.