METE hapi sot paradite tenderin për shitjen e HEC-eve Bistrica 1 dhe Bistrica 2. Oferta më e lartë rezulton a jo e kompanisë KURUM, e cila ofron 52 milionë euro.
Oferta e parë – 30.355 milionë euro
Oferta e dytë – 44.8 milionë euro
Oferta e tretë 27.5 milionë euro
Oferta e katërt – 19.3 milionë euro
Oferta e pestë 52 milionë euro
Oferta e gjashtë – 35.1 milionë euro
Oferta e shtatë 37.1 milionë euro
* * *
METE hapi sot ofertat për privatizimin e hidrocentraleve “Bistrica 1” , “Bistrica 2 sh.a” dhe shoqërinë HEC “Ulëz Shkopet sh.a”. “Sot, më datë 21 dhjetor 2012, në ambientet e Ministrisë së Ekonomisë, Tregtisë dhe Energjetikës do të bëhet hapja e ofertave për privatizimin e shoqërive HEC Bistrica 1 dhe Bistrica 2 sh.a dhe shoqërinë HEC Ulëz Shkopet sh.a . Ora 11 : 00 – Tenderi për shoqërinë HEC Bistrica 1 dhe Bistrica 2 sh.a. Ora 12 : 00 – Tenderi për shoqërinë HEC Ulëz Shkopet sh.a”, njofton Ministria e Ekonomisë, Tregtisë dhe Energjetikës.
Shitja e HEC-eve përbën tenderin e dytë më të madh, pas shitjes së Albpetrolit disa javë më parë. Paratë që do të arkëtohen nga shitja e këtyre aseteve shtetërore, qeveria pritet t’i përdorë për buxhetin e vitit të ardhshëm, kur janë paarshikuar edhe zgjedhjet parlamentare.