Në fillim të sezonit askush nuk do ta kishte imagjinuar por tashmë është pothuasje zyrtare se qyteti i Milanos, nuk do të ketë asnjë skuadër sezonin e ardhshëm në Kupat e Europës. Me humbjen 3-2 të Interit ndaj Genoas në Marassi në një ndeshje që i pati të gjitha, duke filluar që nga spektakli për të vazhduar me golat, shtyllat, traversat, ritmin e lartë por edhe golat e anulluar, shanset që zikalërit të kualifikohen në Europa League janë pothuasje zero dhe si rrjedhojë pjesë e kompeticioneve europiane në sezonin futbollistik 2015-2016 nuk do të jenë dy nga klubet që kanë shkuruar historinë jo vetëm në Itali por edhe në futbollin kontinental pasi Milani dhe Interi sëbashku numërojnë plot 10 trofe të Uefa Champions League 3 Kupa Uefa dhe 2 Kupa Kupash.
Një dështim i tillë për 2 skuadrat e Milanos nuk regjistrohej që prej sezonit të largët 1955-1956, ai që e bën edhe më të dhimbshëm këtë sezon të tmerrshëm për kuqezinjtë dhe zikaltrit është fakti që finalja e Championsit vitin e ardhshëm do të zhvillohet pikërisht në San Siro. Gjatë këtyre 60 viteve Milani dhe Interi kanë qenë pjesë e Kupave të Europës në 34 raste sëbashku ndërsa në 26 sezonet e tjera të paktën njëra prej tyre ka luajtur në futbollin kontinental. Sezoni 2014-2015 duhet harruar sa më shpejt nga skuadrat e Milanos të cilat duhet të fillojnë që tani nga puna për formimin e një grupi cilësor futbollistësh në mënyrë që një ” katastrofë e tillë” sic e quajnë përtej Adriatikut të mos përsëritet më për Interin dhe Milanin.
oh sa mire me qene milanist-interist