Minatorët e Bulqizës janë mbledhur sot para filialit të bankës ku marrin rrogat, në pritje të pagës së 13-të. Për të disatën herë, ata kanë përsëritur ultimatumin drejtuar kompanisë ACR, që nëse paga e trembëdhjetë nuk kalon deri në orën 15:00, minatorët do t’u rikthehen protestave.
“Rroga e 13-të ende nuk ka kaluar në bankë. Deri në orën 15:00 do jemi në pritje të saj, nëse nuk kalon do nisim protestat”, shprehen minatorët.
Paga e trembëdhjetë ishte një ndër pikat e marrëveshjes së arritur mes minatorëve dhe kompanisë ACR pak kohë më parë.