Ministri i Shëndetësisë së Kosovës “kritikon” Bashkimin Europian. Zemaj: Të vegjlit mund t’ja dalin! Ndihma e Shqipërisë ka peshë të madhe, nuk mungojnë vlerat

Ministri i Shëndetësisë në detyrë i Kosovës, Armend Zemaj ka falënderuar qeverinë e Shqipërisë për mundësinë që i ka dhënë punonjësve shëndetësorë të Kosovës që të vaksinohen kundër Covid-19 në Shqipëri.

“Në emër të Ministrisë së Shëndetësisë të Republikës së Kosovës falënderojmë Qeverinë e Republikës së Shqipërisë dhe Ministrinë e Shëndetësisë dhe të Mbrojtjes Sociale, përkatësisht kryeministrin Rama dhe ministren Manastirliu, për mundësinë që u dhanë një numri të konsideruar të profesionistëve shëndetësor nga Kosova që të vaksinohen kundër COVID-19 në Kukës”, shprehet Zemaj ne letrën falënderuese.

Ministri i në detyrë i Shëndetësisë në Kosovë nuk i ka kursyer edhe kritikat për institucionet ndërkombëtare për “nacionalizmin” e vaksinave.

“Në kohën kur institucionet e ndryshme ndërkombëtare, të cilat gjatë gjithë pandemisë shteteve të Ballkanit u kanë mbajtur ligjërata për “qasjen dhe mundësitë e barabarta” dhe kur “solidariteti” i proklamuar prej tyre për sigurimin e vaksinave kundër COVID-19 është trajtuar nga “nacionalizmi” i vaksinave, ndihma e Shqipërisë për Kosovën, ka peshë edhe më të madhe dhe tregon se edhe të vegjlit mund të ja dalin kur punojnë së bashku dhe nuk u mungojnë vlerat”, thotë Zemaj.

Ndërkohë, ministrja e Shëndëtësisë, Ogerta Manastirliu shkruan në Facebook se edhe sot, në ditën e dytë, do të vijojë vaksinimi me stafet mjekësore të vijës së pare të Kosovës. 500 mjekë dhe infermierë po vaksinohen në Kukës.

c.r / dita