Ministria e Drejtësisë shpall vende të reja pune në këto qytete

Ministrja e Drejtësisë Etilda Gjoni njofton se është hapur një konkurs për vende të lira pune për nënpunës në zyrat e Hipotekës.

Në një konferencë për mediat, Gjoni tha se ky reformim vjen në kuadër të planit 100 ditor të qeverisë për reformimin e titujve të pronësisë në Hipoteka.

Qytetet që përfshihen në këtë reformim janë Skrapari, Shkodra, Tirana, Devolli, Hasi, Kolonja, Kuçova, Mallakastra Mirdita, Pogradeci, Mati etj.

“Shërbimi shpesh herë është poshtë pritshmërive, ndaj ne duam ta përmirësojmë në cilësi dhe shpjetësi, si dhe të zhdukim raste korruptive, duke hapur një kurs publik për nënpunësit e rinj, praktikë që nuk ka qenë më parë. Kjo për të pasur në krye të hipotekave nënpunës seriozë, dhe të punojnë jo në shërbim të partive politike. Ftojmë qytetarët të bëjnë pjesë e kësaj reforme dhe zgjedhjen e personave më të përshtatshëm për regjistrimin e titujve të pronësisë. Konkursi është vetëm hapi i parë për rekrutimin e nënpunësve publikë dhe vlerësimin e tyre mbi baza meritokracie”, përfundoi ministrja e Drejtësisë.