Pavarësisht se nuk është më një nga engjëjt e Victoria’s Secret, Miranda Kerr vijon të punojë për projekte të tjera. 30-vjeçarja është fotografuar teksa pozonte në Majami me rroba banje, për një fushatë promovuese të linjës së saj kozmetike. Pavarësisht makiazhit tepër të lehtë dhe rrobave të banjës që nuk kishin efektin push up me të cilin jemi mësuar ta shohim në reklamat e të brendshmeve, supermodelja australiane dukej se nuk kishte aspak nevojë për aureolën e engjëllit, që e ka shoqëruar vitet e fundit në pasarela.
