“Nuk është e vërtetë që kam refuzuar të deklaroj pasurinë time, Prokuroria po hakmerret pasi dy muaj më parë e kam akuzuar se nuk ka bërë asnjë hetim për tragjedinë në HEC-in e Qafë Mollës në Mirditë, ku humbën jetën 3 punëtorë”. Kështu është shprehur kreu i Komunës Kaçinar, Petrit Bardhi, pas nisjes së hetimeve ndaj tij, me akuzën e mos deklarimit të pasurisë. Bardhi i akuzoi prokurorët për afera korruptive, ndërsa vonesën e deklarimit e lidhi me faktin se nuk punonte posta dhe kjo është konfirmuar edhe nga prefekti i Lezhës, Ndrec Dedaj.