Një fëmijë i moshës 10 vjeç është gjetur i plagosur ditën e djeshme nga të afërmit dhe u dërgua me urgjencë në spital. Ngjarja ka ndodhur në fshatin Kaçinar. Ende nuk dihet se me çfarë është plagosur fëmija. Nga hetimet paraprake dyshohet qe i mituri te jete plagosur nga shpërthimi i një granate që mund ta ketë gjetur rastësisht. Fëmija u transportua në spitalin e Rrëshenit për të marrë ndihmën e nevojshme mjekësore, ndërkohë që policia e njoftuar për ngjarjen, ka nisur hetimet për zbardhjen e rrethanave dhe shkaqeve.