Një nga drejtuesit e lëvizjes “LGBT” në Shqipëri, Xheni Karaj, është përzgjedhur nga revista Klan për kopertinën e re, ku ajo për herë të parë flet për jetën e një lezbikeje dhe planet për të bërë fëmijë. Një intervistë e guximshme duke ditur ambientin paragjykues që rrethon këtë komunitet. “Si është jeta e një vajze lesbike në Tiranë? Si reaguan prindërit e saj kur e morën vesh nga ekrani se ajo ishte e tillë? Si dhe kur i kupton prirjet homoseksuale? Dashuritë e para, marrëdhëniet me vajza jo lesbike, një dashuri 4 vjeçare dhe planet e Xheni Karajt për të lindur një fëmijë”, thuhet në kopertinën e kësaj reviste qe sapo është hedhur ne treg. Komentet kanë vërshuar në rrjetet sociale dhe pyetje që bëhet më shumë është; Mirë e kuptuam, po këtë pjesën e krenarisë nuk e marrim vesh!