Mjekët: Përdorimi i antibiotikut nuk ka efekt tek Covid

Mjekët Arian Mezini dhe Skëndër Brataj janë shprehur se qytetarët nuk duhet të përdorin antibiotikun për të luftuar Covid 19.

Ata e kanë cilësuar të gabuar përdorimin e antibiotikëve, veçanërisht në javën e parë të infektimit.

“Nuk jep asnjë efekt, përkundrazi antibiotiku të shkatërron florën intestinale, krijon mukoza dhe nuk ka çfarë i bën virusit”, tha Drejtori i Urgjencës Kombëtare Skënder Brataj.

Ndërkohë, për pneumologun Arian Mezini antibiotiku është vetëm për përdorim spitalor.

“Antibiotiku është për përdorim spitalor dhe bëhet sepse spitali ka ngarkesë bakteriale. Nuk luftohet virusi me antibiotik”, u shpreh Mezini.

o.j/dita