Për të dalë me një verdikt nga gjykata për një çështje të caktuar, shqiptarëve u duhet mesatarisht 10 seanca gjyqësore. Pothuajse gjysma e të cilave, të zhvilluara në mënyrë joproduktive dhe të nevojshme. Ky është konkluzioni i monitorimit të OSBE-së në 143 seanca gjyqësore, të cilat kanë rezultuar se zvarriten pa motiv si pasojë dhe e pjesëmarrësve në gjykim.
“Në veçanti u pa se në pothuajse gjysmën e seancave të monitoruara nuk ndodhi asgjë thelbësore sa i përket zgjidhjes së mosmarrëveshjes. Konstatime të tilla tregojnë për një përdorim joeficent të burimeve gjyqësore. Duke ulur numrin e seancave joproduktive, gjykatat mund të reduktojnë ndjeshëm numrin e çështjeve të mbartura dhe t’i zgjidhin mosmarrëveshjet më shpejt dhe me më shumë eficencë”, deklaroi Wollfarth.
Ministri i Drejtësisë, Eduard Halimi, njoftoi se të enjten në Komisonin e Ligjeve do diskutohet paketa e amendimeve në Kodin e Procedurës Civile, paketë e cila do të reduktojë deri diku zvarritjet.
“Përfshin pikërisht me fokus eficensën e sistemit gjyqësor duke larguar të paktën 25 mijë çështje në vit që kanë të bëjnë me dëshmitë e trashëgimisë që do t’ia kalojmë noterëve me fokus sërish rritjen e produktivitetit në sistemin gjyqësor dhe rritjen e eficensës së sistemit gjyqësor si dhe urdhërat e ekzekutimit duke përfshirë një reformë të vërtetë”, deklaroi Halimi.
Në raportin me konkluzionet, OSBE propozon dhe sanksione për mungesat e pajustifikuara në gjykim, duke ia ngarkuar koston financiare të vonesave palës që i shkakton ato.
a ke pi nej kanaçe birre o wolfard se pd istat paguajne shume