“Një vit më parë, kjo qeveri ishte në nisje të punës së saj, por sot, jo për faj të profecisë maja, duhet të përfundojmë punën tonë”.
Kjo ishte batuta e kryeministrit italian Mario Monti, pas meshës së Krishtlindjeve, e mbajtur për punonjësit në Pallatin Chigi. Monti, i cili mori pjesë në meshë së bashku me të shoqen, ka falënderuar të gjithë stafin për punën me të dhe u ka uruar mbarësi në të ardhmen.
Në përfundim të mbledhjes së qeverisë, e parashikuar për në orën 19:00, kryeministri Monti pritet të drejtohet në Presidencë, për t’i dorëzuar dorëheqjen kreut të shtetit.
Ndërkohë, në 23 dhjetor, Monti do të jetë para mediave për konferencën e shtypit që mbahet në fund të çdo viti.