More njerëz, more skllevër!

Poetry is finer and more philosophical than history; for poetry expresses the universal, and history only the particular. (Aristoteli)
Those that know, do. Those that understand, teach. (Aristoteli)
Talent hits a target no one else can hit. Genius hits a target no one else can see. (Arthur Schopenhauer)
History repeats itself, first as tragedy, second as farce. (Karl Marx)

(Në përgjigje të Vlonjatit). Shiko, unë e kam thënë e stërthënë me vargje e pa vargje për autokracinë e Ramës dhe rilindjes të së keqes, kështu që duke lexuar vetëm vargjet e mia më sipër, kjo nuk do të thotë që unë pranoj që nuk kemi hajduta në pushtet dhe fajin e ka vetëm opozita. Por, çdo gjë ka një sens mase, një limit. Mund ta gënjesh një popull për njëfarë kohe, por jo përherë. Në 2017 rilindja lejla bleu votat, u kërcënuan votues, etj, etj që i dimë e i pamë edhe te përgjimet e BILD-it. Më pas opozita e dalë rrugëve pasi kishte lënë mandatet, me Luli Bashën në krye, tha se do bllokonin votimet lokale, por një ditë para votimeve morri kthesë si një kurvë politike, një pabesi prej tradhëtari pa këllqe që të lë në mes të rrugës. Ndërkohë nga protestat e opozitës, janë futur protestues në burg. Ikën 8 vite dhe erdhi 25 prilli, dhe Luli&CO i tha popullit që zgjedhjet nuk do vidhen apo blihen më, se i kishte marrë masat. Por, në fakt, u blenë prapë. Historia u përsërit. Por, s’mund të besohet më që është një tragjedi, tashmë është një farsë qesharake. E kështu demokratët e zhgënjyer ngelën pashpresë rrugëve. Luli përdori sebepin e vjedhjes së zgjedhjeve për të qënë prapë kryetar. Rama do tentojë të vjedhë çdo palë zgjedhje, sepse pushteti absolut korrupton në mënyrë absolute, e sidomos kur ka mbështetjen e SHBA. Ka 8 vite që SHBA mbështet një autokrat hajdut si Rama. Edhe pasi prishi marrëveshjen e 5 qershorit ata nuk i thanë gjë, madje dhe Luli e mbylli atë muhabet. Pse? Ishte dakord edhe Luli? Pyesni Lulin. Një lider që do që të fitojë nuk do ia lejonte dot Ramës prishjen e marrëveshjes, heqjen e koalicioneve. Luli dikur do mbronte mos prishjen e teatrit, por e shëmbën mes natës. Do mbronte banorët e Astirit dhe pronat e tyre atje, por në fund dështoi. Unë nuk e kuptoj se çfarë pret ky popull më nga Luli?! Vetëm dështime dhe asnjë mbajtje përgjegjësie. Të paktën të kishte dhënë dorëheqjen si kryetar pas 25 prillit dhe po të votohej të zgjedhej prapë. Një njeri që nuk di të humbë, nuk di as të fitojë. Ky nuk quhet lider, por thjesht një parazit pushteti, që rri pret në radhë me shieshe qumështi në dorë. Lider është dikush që të frymëzon, të jep shpresë, dhe të bën të besosh me fakte që ato që thotë do mund t’i realizojë, e kështu që ia vlen të shpresosh madje duke luftuar për arritjen e objektivave. Por Luli thjesht bën sofizma, flet broçkulla herë pas here, llogaritë i bën gabim, me dashje apo padashje kjo s’ka rëndësi se vetëm populli humb. Edhe një njeri i zakonshëm, mediokër e pa cilësi të veçanta e pa talent, po të kishte pozitën e kryetarit të PD e liderit të opozitës, do do arrinte më shumë se Luli. Që të duash ndryshimin për popullin, pikë së pari duhet të ndryshosh partinë, mënyrën e funksionimit, sistemin e meritokracisë. Por PD është po ajo e 8 viteve më parë, dhe s’ka si të jetë ndryshe kur atje urdhëron vetëm Saliu. Pse nuk bëhen të pasur gjithë njerëzit e ndershëm në këtë vend por bëhen fëmijët e Saliut dhe politikanëve të tjerë? Janë më të zgjuar e më të aftë se ne? Jo aspak! I bën pushteti, paraja, favoret. Edhe Rama për pushtet bën gjithshka, aq sa riktheu sistemin e dikurshëm të fuksa-patronazhistëve. Nuk e dinte Luli apo po flinte gjumë dhe e morri vesh më vonë? Rama i bleu votat, dakord. Po pse populli shiti votën? Se nuk kishte shpresë te opozita dhe te Luli? Unë mendoj se po. Sepse po të kishte shpresë, do i merrte lekët rilindjes dhe votën nuk do ia jepte, do i jepte një grusht të fortë atij mali të inkriminuar rilindas. Pse nuk dolën më shumë njerëz në votime? Pse nuk u angazhua opozita të bënte namin që emigrantët të votonin? Ja pra, për të gjitha këto arsye më sipër, Luli ka përgjegjësi. Nuk po flas për përgjegjësinë e LSI-së së Monës me rosarion në qafë apo të Metës, se këta janë nga fryn era e pushtetit, po iu dhe poste janë në rregull e qepin gojën. Likja dikur fliste për popullin e 2 marsit e më vonë për kosore, por ja që tani po rri si qëngj i urtë. Po populli i 2 marsit ku vajti? Dele në shërbim të partisë? Prandaj, në këto rrethana, kjo është një opozitë e mbaruar, e “vdekur”, dhe dje ishte përcjellja për në banesën e fundit, pra në Shqup. A na duhet një opozitë e re? Patjetër dhe e kam një ide se kush mund ta bënte denjësisht. A mund të rilindë kjo opozitë aktuale si feniksi, siç thoshte dhe Mona? Fenksi është shpend i lirë, nuk është hienë e as gomar. Sidoqoftë, çdo gjë varet nga ne, nga populli, as nga Rama, as nga Luli e as nga Meta. Nëse do vazhdojmë t’iu besojmë sharlatanëve të politikës e do ngrihemi në protesta vetëm për karriket e tyre e jo për hallet tona, atëherë kam frikë se do “vdesim” si popull, pra, ose do kthehemi në vegjetues kokë ulur e të shtypur, ose do emigrojmë jashtë shtetit për një jetë më të mirë, e për t’i shpëtuar përgjegjesive tona si qytetarë të përgjegjshëm.