Mos bre Kaçi, mos e mbyll Facebook-un!

Deputeti i majtë në Partinë Demokratike, Kastriot Islami, me sa duket është lodhur nga rrjetet sociale dhe botimet çdo fundjavë në DITA. Ai ka vendosur të mbyllë faqen e tij në Facebook, pa dhënë një paralajmërim për miqtë e tij virtual. Në PD askush nuk e dinte arsyen e këtij vendimi drastik të Kaçit. Disa thanë se do të jetë disa ditë jashtë Shqipërie dhe s’do të kishte kohën e nevojshme për t’u marrë me të dhe për këtë arsye e ka pezulluar profilin e tij deri sa të kthehet. Të tjerë thanë se ka pasur probleme me hakersat që kanë dashur ta thyejnë pasuordin e tij dhe për këtë arsye ai e ka mbyllur. Postimi i fundit i tij ishte një lajm që lidhej me drogën që ishte kapur në Gjermani. Profesori jepte mendimet e tij të vyera rreth trafikut të lëndëve narkotike. Gjithsesi, Kaç do na mungosh në Facebook se ishe vërtet interesant. Të kishte hyrë aq shumë në qejf, sa dhe kur shkoje në vendin që të gjithë  shkojnë në këmbë, ti e bëje status. Vrapin tënd nga liqeni dhe kilometrat e përshkruara tashmë s’kemi ku t’i marrim më vesh. Prandaj Kaç, kthehu, kthehu dhe për të mirën tënde, se pa Facebook s’ke për të parë më dritën e botimit në media. Ishe aty që kujtoheshim dhe të bënim lajm. Po e mbylle përgjithmonë, do të të harrojnë të gjithë. Kthehu Kaçiiii…