Letër e nënshkruar
Gani Elezi
Thonë se shqiptaret e Kosovës kanë marrë shumë ketej nga Shqiperia ‘’londineze’’.Kanë marrë të mira por edhe ‘’huqe’’.Kanë marrë huqet e korrupsionit, të krimit, të prostitucionit, të klaneve politike e finaciare e shumë të këqia të tjera. Mandej kur duam të bëjmë kritika edhe për punet e qeverisë e të shoqerisë civile në Kosove përgjigjen e kemi gati;’ “jemi njëlloj, jemi shqiptarë të dy palet’’.
Po jemi një lloj, jemi shqiptarë e shumëçka kemi të përbashket. Por në disa raste nuk sillemi njëlloj. Dhe këtë ndryshim n`a e ‘’përplasi’’ para syve rruga Kukës-Prishtinë, që u inagurua para disa ditësh. Nga pamjet e filmuara, të dhëna edhe nga disa televizione tona, konstatohet se kjo rrugë, që konsiderohet si pjesë e dytë e Rrugës së Kombit, Durrës-Prishtinë, është me standarte ku e ku më të mira se pjesa e rrugës Rrëshen-Morinë, që e kemi ndërtuar ne. Parametrat dhe cilësia e autostradës Morinë-Prishtinë n`a e bindin se ne ndryshojmë mes njeri tjetrit. Të paktën në disa punë. Ata mund të bëjnë edhe punë të mira. të Kosovës Thaçi,etj
Ndërkohë që në Shqiperi ndërtimi i rrugës nuk i`u nënshtru asnjë monitorimi e revizionimi serioz, në Kosovë kontrolli e monitorimi si duket ka qenë efektiv. E këto ndryshime, ne shqiptarët këtej kufirit, nuk mund t`i shpjegojmë më vetëm me rolin dhe kontrollin e institucioneve europiane mbi klasën politike dhe qeveritarët e Kosovës. Në fakt edhe këto institucione ndërkombëtare kanë peshën e tyre në ndryshimet që po evidentojmë. Edhe unë e pranoj një argument të tillë. EULEX-i në Kosovë ka arritur të ngrejë padi e të çojë në gjyq disa politikanë e drejtues të lartë të Kosovës, gjë që nuk ka ndodhur e nuk ka shanse të ndodhë shpejt në Shqiperi. Por të pranosh këtë argument duhet që, në të njejtën kohë, të pranosh se politikanët, deputetët, qeveritarët tanë , e gjithë ajo që quhet ‘’udhëheqja politike’’ janë shumë larg së qeni europiane. Ata mburren vetem me faktin se shqiptarët janë në shumicë dërrmuese ‘’proeuropianë’’ e ‘’proamerikane’’.
Pra, problemi më i madh që ne kemi aktualist, është paaftësia, papërgjegjëshmeria dhe korruptimi i klasës tonë politike. Ne n`a duhet të ndryshojmë së pari mentalitetin e politikanëve, qeveritarëve tanë, t`i bëjmë ata ‘’europiane’’ e pastaj të kërkojmë nga qytetarët të kontribuojnë në procesin e integrimit tonë në Europë. Kjo është sfidë e madhe e qeverisë së sotme.