Për shkak të motit të keq është pezulluar lundrimi detar në qytetin e Vlorës. Burime nga Porti detar I këtij qyteti bëjnë të ditur se trageti i linjës Vlore-Brindisi që kryen itinerarin ditë rreth orës 14:30 deri ne 15:00 nuk është lejuar të dalë në det.
Gjithashtu, është anuluar edhe lundrimi i mjeteve të peshkimit.
Në disa fshatra të Komunës Novoselë ka shkëputje të energjisë elektrike si në Aliban, Akerni, Novoselë, Bishan dhe Poro.