Njëra është inxhiniere, ndërsa tjetra me një format më zyrtar në profesion, duke qenë njëherësh dhe përkthyese, mësuese e punonjëse sociale. Jorida Latifi e Zamira Greva janë prej atij xhinsi shoqëror që kanë gjetur belanë nëpër shkolla, duke u bërë “kurban” (përjashtuar), prej mënyrave të ndryshme të intepretimit të laicitetit – ndonëse jo ato përsonalisht – e tani po tentojnë të jenë pjesë e mejdanit më të lartë, ku ngjizet e ardhmja e vendit të tyre, parlamentit.
Të shkolluara, të afta në profesionet përkatëse, ambicioze, ato e shohin si tejet të natyrshëm protagonizmin e tyre politik. Habia, çudia apo risia në meselenë e kandidimit të tyre për deputete, kanë vend vetëm në një rast, sipas tyre: Kur, nëse ato do jenë në politikën aktive, të shohin se ç`produkt të lartë moral e vizionar mund të ofrojnë ato me formimin që kanë. Jorida Latifi, si inxhiniere mjedisi, ka firmën e saj në dhjetëra veprave publike, rrugë e ura në të gjithë Shqipërinë. Ngjashëm dhe Zamira Greva, e cila zotëron dhe një master shkencor për Komunikimin Kulturor e Turistik. Por ka diçka që ndryshon mes tyre: rreshtimi politik.
E para, është kandidate e Partisë Atdheu, e cila i përket koalicionit opozitar; ndërsa e dyta, kandidate e Partisë Lëvizja Shqipëria e Re, e cila i përket koalicionit të mazhorancës. Nëse do ishin në parlament, asesi nuk e mendojnë se mund të sillen si çafka me njëra-tjerën; dhe mendojnë se kjo do ishte një pikë plus e tyre….

Znj. Zamira! Si ndodhi që u përzgjodhët kandidate për deputete?
Ky hap ka ardhur gradualisht. Por gjithmonë më ka interesuar që të jem pjesë aktive e kësaj shoqërie. Fillimisht kam qenë aktiviste e Partisë Lëvizja Shqipëria e Re që në themelimin e saj ku kam marrë pjesë në tryeza dhe aktivitete të ndryshme të realizuara nga kjo forcë politike. Në mars të këtij viti jam zgjedhur Kryetare e Forumit të Gruas e PLSHR-së. Partia Lëvizja Shqipëria e Re ndryshe nga partitë e tjera përzgjedhjen e kandidaturave e ka bërë në bazë të një sistemi. Ky sistem është i mbështetur në punën konkrete të gjithësecilit.
Po thyeni një tabu me këtë kandidim?
Jo, s`mund ta quaj tabu pasi jam pjesë e kësaj shoqërie dhe do kontribuoj me gjithë aftësitë dhe energjitë e mia. Është çështje këndvështrimesh më pas nëse dikush mund të mendojë se pamja ime, identiteti im, është kufizues në kontribute. Është e kundërta, ato janë frymëzuese e forcë shtyëse. Në radhë të parë në planin moral e më pas në atë të aksionit politik në funksion të zhvillimit dhe përmirësimit të gjendjes shoqërore.
Ku e shihni aftësinë, forcën tuaj më të madhe, në protagonizmin politik?
Duke qenë dhe vetë një femër, roli im kryesor do të fokusohet tek gruaja. Partia jonë do mundohet të forcojë figurën e gruas dhe ta mbështesë fort atë që të ecë përpara në të gjitha fushat e jetës pa u diskriminuar dhe pa u dalluar nga pikëpamjet religjioze, krahinore etj.
Pozicionimi juaj politik, a bie ndesh me parimet fetare?
Nuk mendoj se bie ndesh. Mund t’i referohemi plot rasteve, asaj të deputetes së Parlamentit Evropian zonjës Mahinur Ozdemir, kryebashkiakes së Bosnjës znj. Amra Babiç etj. etj. Por dhe duke iu referuar periudhave më të hershme, specifikisht traditës islame, e hasim gruan në pozitat e një protagonizmi të fortë në sfidat shoqërore.
A do keni drojë të përdorni dhe referenca fetare nëse do jeni aktive në politikë?
Sigurisht që po, sepse ato janë mësime hyjnore dhe çdokush prej nesh do kishte nevojë për to. Dallimi është nëse ato bëhen në mënyrë të ndërgjegjshme ose të pandërgjegjshme. Për shembull, has elemente pozitive në sjelljen politike të disa protagonistëve, të cilat kanë burim hyjnor, ndonëse ato mundet të mos jenë të ndërgjegjshëm për këtë. Si rast po marr thirrjen për kthimin e pronës tek i zoti, pronari real. Është bërë frazë e zakonshmetë thuhet se prona është e shenjtë, por realisht, me referencë hyjnore prona konsiderohet e shenjtë dhe grabitja e saj, në çdo lloj forme që të bëhet, është një akt i rëndë.
Në krahun tjetër, atë opozitar, kandidon dhe një simotër e juaja? E paragjyoni rreshtimin e saj në kampin e majtë?
Absolutisht që jo. Mendoj si unë dhe ajo dëshirojmë të japim më të mirën për shoqërinë shqiptare, pavarësisht pozicionimit tonë politik. I uroj suksese dhe do dëshiroja vërtet të isha me të në parlament. Do kishim ç’të përcillnim si model pozitiv se si të ndryshmet, nga pikëpamja politike, por jo vetëm, mund të bashkëjetojnë harmonishëm.
Në protagonzimin tuaj parlamentar, nëse do jeni deputete, do prireni nga beteja për të drejtat tuaja referuar grupimit shoqëror të cilit i takoni, apo dhe më gjërë?
Në grupimin shoqëror të cilit unë i përkas, si besimtare myslimane, e drejta si kut, i përfshin të gjithë dhe u takon të gjithëve pa dallim. Ta kufizosh drejtësinë si të vlefshme vetëm brenda kufijve të target – grupit që i përket, kjo është padrejtësi. Në këtë kuptim, target-grupi im është e gjithë shoqëria, pa dalllim.
Cila është deviza juaj në politikëbërje?
Nëse bëhet fjalë për moton time personale, është: Ndershmëri, Drejtësi dhe Zhvillim
A ka diçka islame në programin e së djathtës që ju përfaqsoni?
Fillimisht dua të saktësoj diçka. Edhe pse renditemi tek partitë me spektër të djathtë, Partia Lëvizja Shqipëria e Re ka moton “As majtas, as djathtas, por drejt”.
Nga ana tjetër, ka një parim sipas së cilit, “nëse tradita e një vendi nuk bie ndesh me sheriatin atëherë ajo bëhet pjesë e sheriatit”, kështu që mendoj se gjithmonë ka vend për të marrë dhe për të dhënë me njëri-tjetrin. Përderisa vlerat janë universale dhe nuk janë monopol i një kombi të caktuar apo një partie të caktuar.
Nëse do jeni deputete, a do keni kurajën të kundërshtoni akte të cilat janë pjesë e programit të forcës suaj politike, por që bien ndesh më parimet tuaja fetare?
Çdo vendim që unë do të marr nuk do të bie ndesh me parimet islame. Nëse bie ndesh nuk do hezitoj t’i kundërshtoj ato, por dhe ta argumentoj se përse.
Thuhet se politika shqiptare i ka burrëruar shëmtueshëm disa gra, protagoniste në të. Ju do bini pre e kësaj?
Do mundohem që të mos bëhem kurrë manikine e politikës. Do qëndroj kjo që jam, vetvetja dhe kështu besoj nuk do burrërohem.
Cili është një model i juaji në politikëbërje, historik ose aktual, i huaj apo shqiptar dhe për çfarë?
Unë në mendje kam një sërë modelesh për t`u marrë shembull, të cilët u përkasin kohërave të ndryshme. Por po veçoj një aktual dhe të afërt me ne: Kryeministrin e Turqisë z.Rexhep Taip Erdoģan. Mendoj se është një lider politik, i cili e ka çuar vendin e tij në drejtimin e duhur. Politikanët tanë kanë shumë ç`të mësojnë prej tij, sidomos në çështjet e promovimit të drejtësisë në sjelljen politike të qenët i moralshëm, e pa dyshim me vision e aftësi të veçanta në qverisje, ku treguesit janë konkret.
– Znj. Jorida! Si erdhi ky kandidim juaji?

Kandidimi erdhi më i natyrshëm se natyrshmëria. Frekuentojmë dhe drejtuesit e PSHA-së hapësira mendimi dhe kulture të ngjashme për nga lloji, cilësia dhe sasia. Duke qenë se jam qytetare e Republikës së Shqipërisë, si një inxhiniere me CV goxha të pasur në lëmin ku jam specializuar, e pajisur në të njëjtën kohë edhe me vlera të përbashkëta nga ato për të cilat PSHA është themeluar, natyrshëm të gjitha këto janë arsye të mjaftueshme që të jem pranë vëmendjes së drejtuesve të një partie të tillë.
– Ju po thyeni një tabu apo kjo është një inisiativë krejt e natyrshme?
Siç e përmenda edhe më sipër, kandidimi është i natyrshëm për arsyet e sipërpërmendura, por shfaqet në formën e tij të thyerjes së një tabuje sapo t’i referohemi diskriminimit të përsëritur dhe të tejzgjatur si mentalitet tërësisht lindor, i prapambetur dhe dështak, të cilit fatkeqësisht i duhet t’i nënshtrohen një pjesë e madhe e kësaj kategorie të vajzave dhe grave, të cilat edhe pse të kualifikuara dhe të afta në fushat përkatëse, nuk gjejnë hapësirat e duhura.
Parë nga ky këndvështrim, mund të themi se kemi të bëjmë edhe me thyerje tabuje. Pra, nga një individ tërësisht i diskriminuar, pa punë dhe pa pagë, PSHA synon ta futë në Parlament dhe të paguhet si deputete. PSHA është formacion modernist, përparimtar me pikëpamje dhe frymë perëndimore dhe çështje të tilla kaq të ndjeshme përbëjnë ngacmime për shtyllën kurrizore të programit të PSHA-së.
– Cili është specialiteti juaj apo thënë ndryshe, në ç`fushë e shihni forcën tuaj?
Jam e specializuar në profilin energjitik dhe në projektimin e rrugëve dhe të urave. Nga ky këndvështrim, mendoj se kjo mund të jetë profesionalisht edhe një nga pikat e mia më të forta, pa llogaritur që angazhimi politik është gjithëpërfshirës në kuptimin e sasisë dhe ilaritetit të çështjeve që trajton dhe me të cilat merret.
– Stereotipi i një femre me shami qëndron pak larg të qenit të saj në politikë. Cili është komenti juaj?
Në fakt, pyetja vjen si rezultat i një realiteti dhe botëkuptimi të imponuar në mendësinë e pyetësit prej rrethanave jo gjithmonë të kontrollueshme të lidhura me propagandën e projektimit të stereotipeve përgjatë gjithë këtyre viteve. E njoh nga afër Perëndimin dhe gratë si unë, aq më tepër profesionistet, në fushat ku janë specializuar janë tërësisht të integruara, pasi Perëndimi i referohet meritokracisë dhe aftësisë dhe nuk merret me historitë e pakuptimta dhe të turpshme të trashëguara prej shekullit të inkuizicionit.
– Ju keni ndërtuar aktivitetin tuaj jetësor në bazë të një sistemi vlerash që nuk pajtohet me disa standarde politikëbërjeje. Si do ia bëni nëse do jeni në politikën aktive?
Pikë së pari, secili e ndërton aktivitetin e tij jetësor duke e bazuar tek paketa e vlerave ku ushqehet qenia e secilit. Dhe unë jam prej njerëzve të cilët besojnë se kategoria e njerëzve së cilës i përkas nuk ka asnjë lloj superioriteti, apriori, mbi pjesën tjetër të shoqërisë, e cila mund të ketë zgjedhur t’i përkasë një tjetër pakete vlerash. Në gjykimin tim, një besimtar praktikant nuk ka asnjë lloj superioriteti tokësor mbi krijesat e tjera, përveçse duke e dëshmuar këtë me përpjekje, angazhime dhe sakrifica konkrete karshi anëtarëve të shoqërisë, pjesë integrale e së cilës jemi.
– Si myslimane, a është Islami edhe politikë në kuptimin klasik të fjalës?
Nuk arrij ta kuptoj plotësisht këtë lloj pyetjeje, por duke qenë se nuk ka pyetje të gabuara, mund t’ju them shkurtimisht se në të gjitha llojet e kuptimeve, besimi islam është një gjenerator i pashtershëm vlerash, të cilat e motivojnë pozitivisht individin si qelizën bazë të shoqërisë për të marrë mbi supe të gjitha llojet e përgjegjësive që rrjedhin prej të qënit pjesëtar i shoqërisë dhe bashkëprojektues në hartimin dhe projektimin e fateve për një botë më të mirë dhe për të ndaluar të gjitha format e shkatërrimit mbi Tokë.
Duke qenë kështu, besimi im në këtë rast, është segment shumë i rëndësishëm dhe një shtytës i madh që nxit dhe motivon thellësitë e ndërgjegjjes dhe të intelektit tim duke i vënë ato, kësisoj, në funksion të misionit tim tokësor, në shërbim të ndërtimit të jetës dhe jo të shkatërrimit të saj. Ndërtimi apo shkatërrimi, në kuptimin e tyre klasik, janë në njëfarë mënyre aplikacion politik i ndërmarrë, në rastin konkret, nga një ndërgjegje atdhedashëse e tejmbushur me besim në Zot dhe me besim tek e ardhmja e Shqipërisë.
– Kandidoni nën siglën e një partie të quajtur “Atdheu”, e për ju sa i rëndësishëm është atdheu teksa keni një status fetar?
Status fetar?!Jo çdo grua që mban shami është hoxhë, as imam, as myfti. Në CV-në time kam gjysmën e rrugëve të Shqipërisë, por kjo nuk ka lidhje me identitetin tim shpirtëror. Njeriu është qenie me identitet multidimensional. Ai nuk mund të jetë qenie me një identitet të vetëm. Kësisoj, mund t’ju sqaroj shumë shkurt hartën e identitetit tim me shenjat e gishtërinjve të ndërgjegjjes dhe ju bëj me dije se unë nuk jam dhe nuk mund të jem ose shqiptare, ose besimtare. Kështu që unë jam ilire në origjinë, shqiptare në kombësi, myslimane në religjion, evropiane në kulturë. Bashkëjetoj lumturisht me të gjitha dimensionet e identitetit tim, duke i vënë ato në funksion të mirëqenies së kombit, prosperitetit të atdheut dhe zhvillimit të Shqipërisë.
– A pajtoheni ju me devizën makiaveliste të politikës, sipas së cilës “Qëllimi jusftifikon mjetin” dhe cila është deviza juaj?
E kuptoj ku doni të dilni dhe pa dashur të paragjykoj qëllimin e pyetjes mund t’ju them se makiavelizmi politik, i marrë në këndvështrimin dhe interpretimin e tij klasik, nuk është pjesë e rëndësishme, madje aspak e rëndësishme e botëkuptimit tim mbi mënyrën e arritjes së qëllimit.
Jam prej njerëzve që besojnë se përpjekjet me origjinë tokësore bartin mundësinë e suksesit, por edhe të dështimit dhe nuk besoj se në Tokë ka sipërmarrje me performancë engjëllore. Ndaj, deviza jonë është përmirësimi i jetës së njerëzve dhe i cilësisë së banimit në Tokë dhe aspak krijimi i situatave ideale të ngjashme me republikën ideale të Aristotelit. Dëshira jonë për të ndryshuar gjendjen e Shqipërisë dhe shqiptarëve është mjeti prej të cilit nuk kemi për të hequr dorë kurrë për arritjen e të gjitha atyre qëllimeve që janë në sinkron me natyrën e vetë mjetit.
– Partia në emër të së cilës ju aderoni, është e rreshtuar në koalicionin e majtë, ndërkohë që statusi juaj fetar nuk para përputhet me të majtën historike si bartëse e mendimit ateist. Cili është komenti juaj?
Jam shumë e lumtur që më jepni mundësinë t’i përgjigjem një pyetjeje si kjo. Pa dashur të hyj në analizën historike të së majtës dhe të djathtës shqiptare, pasi personalisht mendoj se nuk ka në Shqipëri të majtë dhe të djathtë në kuptimin e tyre klasik, gjej rastin të falënderoj kreun e PSHA-së, z. Kreshnik Osmani, i cili projekton, në njëfarë mënyre me shumë durim, një pajtim historik mes të majtës shqiptare dhe besimit.
Të njëjtën gatishmëri dhe vullnet e kemi gjetur edhe tek kampi i majtë, përkatësisht Partia Socialiste, duke treguar qartë se ajo tashmëështë poseduese e një vizioni tërësisht të rinovuar modernist, evropianist dhe kështu PSHA dhe PS do t’u japin goditje të fuqishme të gjitha përpjekjeve të deritanishme të papërgjegjshme të cilat synojnë t’i mbulojnë gropat e keqqeverisjes duke sajuar ndasi të rrezikshme krahinore dhe religjioze.
E majta dhe e djathta shqiptare kanë nevojë thelbësore për të riformatuar shkollat e tyre politike dhe PSHA vëren se e majta e ka nisur seriozisht këtë rrugëtim, ndaj dhe jemi bërë pjesë e saj, duke shpresuar që edhe e djathta të bëjë të njëjtën gjë menjëherë pas daljes së saj në opozitë, që më 24 qershor 2013.
– Çfarë ka diçka islame në programin e PS-së, e cila është partia prijëtare e koalicionit opozitar?
PSHA është shprehur edhe më herët se nuk është formacion fetar dhe se Islami i Ramës apo i Berishës nuk është kriteri që ne vendosim për të bashkëpunuar politikisht. Vërejmë që e djathta e ka përdorur sensibilitetin religjioz për të mbërthyer dhe për të mbajtur peng sasi të konsiderueshme votash besimtare duke manipuluar herë me ndërtime imagjinare xhamish e herë me fushata synetllëku.
Por këto janë skema të vjetra që u del boja fare pa u larë e jo më nëse hyjnë në kazanin politik të lavatriçes së PSHA-së. Marrëveshja e kreut të PSHA dhe të PS është një sipërmarrje historike dhe e shenjtë, e cila ka si kriter bazë matjeje dhe vlerësimi hallet e shqiptarëve dhe dhimbjet e tyre dhe aspak formula religjioze çalamane që më shumë se fatet e kombit dhe të ardhmes së tij evropiane janë fatkeqësisht pjesë të skemave manipulative dhe pazareve të pista politike që nuk mbajnë erë religjion, por kundërmojnë aromë kanalesh dhe u ngjajnë projekteve dhe banorëve të kanaleve.
– Nëse do jeni depetete, për ç`gjë do luftoni më shumë, në kuptimin e protagonizmit parlamentar?
Detyra ime e parë si parlamentare do të jetë ndërmarrja e të gjitha nismave ligjore dhe mbështetja e padiskutueshme e të gjitha iniciativave që kanë në thelb stabilizimin e republikës, dhënien zë të gjithë atyre që nuk kanë zë dhe do të shndërrohem në një altoparlant “të prishur” për të përcjellë zërin e të gjithë hallexhinjve dhe nevojtarëve të Shqipërisë.
– Cili është një politikan që ju mund ta vlerësoni për modelin e politikëbërjes, nuk ka rëndësi nëse është historik apo aktual, vendas apo i huaj dhe për çfarë….
Nuk është se mungojnë të tilla referenca, madje mund të them se ato kanë ekzistuar përgjatë gjithë historisë. Ka patur edhe në vendin tonë përpjekje individualiste, por që nuk kanë mundur të ngrihen në nivele projektesh dhe platformash politike që përbëjnë pika orientimi dhe reference për politikëbërësit e të tashmes dhe të ardhmes. Anxhela Merkel është një nga emrat që më frymëzon me performancën e saj. Është një zonjë që ka treguar vitalitet, vendosmëri dhe vizion të qartë në përballjen me sfidat ekonomike të kontinentit, si dhe sfidat e zhvillimit të vetë Gjermanisë. Raste të ngjashme mund të citoj edhe performancën qeverisëse të Turqisë, e cila ka ditur, gjithashtu, të tregojë fleksibilitet dhe mençuri në trajtimin e sfidave qeverisëse nën optikën e krizës globale dhe asaj rajonale.
Ju uroj te dy motrave ne islam, suksese ne rrugen e gjate dhe te veshtire qe keni marre. Kandidimi juaj per deputete ne kuvendin e Shqiperise tregon qe vajzat tek ne nuk jane te izoluara sic mendojne shume njerez ne vendin tone por ato jane pjese e shoqerise ne te gjitha sferat e jetes. Nenat, Vajzat, motrat, grate tona jane inxhinjere, ekonomiste, mjeke, juriste pse jo edhe deputete te kuvendit te vendit. Edhe njehere suksese…
Sa bukur e paske thene, te dyja motrave ne islam……bukur, por do sugjeroja qe te mbuloheshin fare se prape u duket gjinia, po te vene nje burka keshtu meshkujt fanatike muslumane do ndihen me te qete.
Ah se harrova, keto duhet t’i mbulojne dhe femijet femra qe 5 vjeç, se keshtu ua ka feja dhe zakoni, dhe ky eshte abuzim gjnor ndaj femijeve.
Kushtetuta shqiptare mbron barazine gjinore dhe keto jane ne dhunim te saj. Dhe te mos dalin te na flasin broçkulla per lirine fetare, se liria fetare s ka lidhje me injorancen pa kufi……………te mbulohemi se na eksitohen meshkujt….pika qe s’u bie………….
Pas Alibeajt dhe byrazereve meshkuj, tani parlamenti do te mbushet edhe me byrazere femra! Kafja e parlamentit te porosise nje furnizim te plote me hashure, hallva dhe salep, kurse restoranti imam-ballajdi dhe tasqebap…
ti aqif para se te flasesh per Alibeajn meso te vertetat dhe pastaj shprehu se nuk sjell dobi kjo pa e njohur ,e para ,e dyta ,mos i paragjyko njerezit nga veshja por nga vlerat qe sjellin e moralin qe mbart sejcili individ .keto jane motra te nderuara qe duan te japin sado pak kountributin e tyre shoqeror e fetar ne te mire te njerezimit ,sepse nuk po e kuptojme se kush jemi ,pse jemi ,nga kush u krijuam e perse u krijuam e ku do te shkojme.mjafton kaq per te heshtur dhe reflektuar .
ti ane ja tejkaloke dhe vet injorances, me vjen keq pet ty…
shiko, nuk e vendos ti se si vishen ato, liria themelore eshte e drejta per te jetuar(dhe per rrjedhoje veshur) si t duash per sa kohe nuk prish lirine e askujt! fakti qe ti ke nje mendim idiot per veten tende nuk perben problem per t tjeret, perben per ty! Mos flisni per kushtetute, per INJORANCE per me teper, kur mendimi juaj paragjykues e ka te shkruar ne balle injorancen!
Liri fetare injoranca pa kufi…? hajde merre vesh shqiptarin kur flet …paragjykon sa me ska pastaj flet per injorance,….po ecni more edukoni veten njehere pastaj hyni e jepni mendimin tuaj!
Turp me lexu cfare shkruani.
Clirojeni mendjen nga frika more se keto gra, apo motra apo zonja jane njerez normale si un e si ju, madje me te mira ne shum aspekte… mos tju haje frika e stisur mediatike…po hapni syte se na felliqet fare.
fare e poshter turku
– Absolutisht nuk mund te jete e pranueshme.Shqiptari ka nje veshje kombetare me cakcir e me qeleshe e mund te jete musliman,katolik ,ortodoks etj.Ose mund te jete me veshje alla franga e mund te jete cfaredo besimi.Rroba nuk ka lidhje me besimin.Kjo veshje eshte e importuar dhe ne Shqiperi nuk eshte lejuar qe ne Mars 1937 .Ligji i Monarkise Shqiptare nuk ka lejuar mbulim .Keshtu nuk mund te pranohet si normalitet.tung
po mire tani, se nuk e ka lejuar zogu, cfare pastaj? le qe dhe ktu je gabim ngaqe Zogu ka ndaluar ferexhene, jo shamine!
– Edhe keshtu si ne foto nuk ka patur ne Shqiperi pas Mars 1937 . Me pushtim te Shqiperise nga Italia ligji u tolerua ……histori e gjate por desha te tregojh qe koncepti reformator i Mbreterise Shqiptare ka arritur deri ketu.
Kamikazet po dalin ngadale ngadale si kerpudhat pas shiut.
Keto fotografi na rikujtojne dhe njehere injorancen, prapambetjen dhe erresiren qe karakterizon shumicen e ketij kombi.
na flet per injorance, dhe ne fjalen e pare qe thua ke nje epitet te papare paragjykues! you’re doing it right!
Ti Shqiptar duket qe akoma han pace me luge druri, meso nje here historine si ka kaluar shqiperia dhe me pas fillo e flit per erresiren qe ka kapluar vendin.
Nga kane ardhur keto vajza?! Nga Irani apo Arabia?! Ne Europe si keto vishen vetem emigrantet e ardhura nga Veriu i Afrikes apo Lindja e Mesme. Edhe keto thua te kene ardhur qe andej! Kush i solli?! Si ka ardhur bota. Ne kohen tone nuk lejoheshin as minifundet as ferexhete. Per disa gjera ishte me mire perpara.
po mire more more qe jetoke ne europe, po ato francezet, anglezet e konvertuara ne islam edhe ato nga arabia erdhen ?????po rrini merr aman, shifni me mire kilen e patates se ka bajt 120 te reja
kjo veshje nuk eshte e importuar,por eshte tamam veshje qe i perket nje femre myslimane
.keto jane shume te nderuara,shume te drejta,po ashtu dhe shume te afta,i uroj suksese ne jeten e tyre.
Ku jane te nderuara? Ne vendet arabe ku femra eshte e dhunuar me ligj? Ca tregon ky mbulim, pikerisht diskriminim gjinor. Keto femra nuk jane te lira te veprojne sic duan, jane shnderruar ne vegla te injorances qe i rrethon duke perfshire dhe meshkujt e tyre musluman te devotshem.
Ne vendet arabe kur nje femer s mbulohet quhet kurve dhe prostitute. Dhe keto qe jane bere pjese e ketij besimi iu eshte bere lavazh truri dhe jane mbuluar per tu mos diskriminuar nga fanatizmi mashkullor musluman.
Do mbroni dhe te drejtat e njerzve ju, po si do i mbroni kur nuk mbroni dot vetveten dhe jeni simbol i shtypjes gjinore??
Nje femre muslimane,..PO,Nje femre shqiptare ,..JO.
Duke respektuar fene myslymane, nuk mund te ri pa permendur faktin se per kete vend evropian nuk na nderon qe grate te paraqiten me kete veshje dhe burat me mjeker-cjapi, me pantollona te prera.Kjo eshte veshje ekstreme qe i perket vendeve arabe, qe nuk e pelqejne as vete muslimanet e Shqiperise. Prandaj, c’fare mund te presesh nga keto gra ne politike, nuk ka nevoje per komente te tjera.
Rrace e keqe.
Në qoftëse zgjidhen deputete dhe lejojnë të mbajnë shaminë në kokë brënda në parlament i themi Europës çao dhe tregojmë më së miri se jemi vllezër me Turqit dhe me këtë lum si ne
po qe ke eurodeputete me shami e di ti kete? late nam late! ikni lexoni noj liber!
Kete vit ne parlament vitin tjeter ne qeveri ec aty myte
Mjaft mo me komunista na e kan shpif
Te dashur komentues.Lexoni ndonje liber para se te komentoni dhe te flisni per nje ceshtje si mbulesa e femres muslimane.Ju jepni mendimet qe ne do shkojme ne europe e kush na pranon neve keshtu?po ne nga ato e kemi marre te gatshem legjislacionin more njerez.nje legjislacion qe sanksionon lirine e fese si baze per te drejtat e njeriut.Sa per islamin ,eshte fe qe i pranon te gjithe njerezit dhe jo vetem arabet apo ndonje komb tjeter.Mendoj te jeni me objektiv dhe te ndritur para se te komentoni dhe te shfaqni diskriminim ,ky po qe eshte element i botes se lashte dhe te prapambetur.Ecni me kohen dhe lerini diskriminimet per te tjeret.Ashtu si muslimanet i pranojne te tjeret edhe ju mesoni te pranoni dhe jo te perjashtoni
– Anisa ! nuk ka nje popull ose komb musliman qe te quhet veshje muslimane . Po veshje katolike kush quhet ?(lexo komentin tim me siper ) Kjo rrobe me mbulese ka qene veshje e lindjes se mesme edhe perpara se te beheshin muslimane. Veshja eshte kombetare e besimi shpirteror ! tung
Mesohuni mor njerez te respektoni lirine e te tjereve se nuk e keni idene sa qesharake dhe injorante dukeni me keto komente!
Jovan Bregu thonte dy veta nga nje familje nuk lejohet…I eshte turrur fisi politikes njeri nga nje krah e tjetri ne krahun tjeter…na kujtohet lufta clirimtare njeri me ballin e tjetri me partizanet…Kjo partia sherndan nje gazete me 20 mije kopje falas ne kosove,maqedoni e shqiperi a i paguan taksat valle njehere???Cdo dite eshte ne faqen e parafundit turqinia ne kronike te perhereshme..Spo marrim vesht jeni per Shqiperine e RE apo per turqine e vjeter???Cfare vota doni turqit nuk votojne dot ne shqiperi ashtu si vellezerit kosovare prej tirone…
Zami shume suksese.Allahu te ndihmofte per kete inciative kaq te madhe qe ke marre.
Skeni faj jo keni mesuar 50 vjet qe Turqit jane armiqte tane, ska faj populli gjore jeton akoma me rrenat e enverit..kane harru se enveri na beri gropen dhe iku ne at dynja….seriozisht me gjithe kete zhvillim qe ka Turqia me mire u befshim turq se sa europinan.
Edhe se desh harrova se ne fakt po i hyn shum ne xhep turqise se nuk e fusin ne europe…ato zhvillojne vendin e tyre kurse ne shikojm endrra me sy hap pika qe sna bie te mbaruar komplet jemi si popull.
Une nuk besoj per vete por i respektoj keto vajza qe mbajne shami dhe aq me teper qe perpiqen te integrohen ne jeten politike te vendit. Nga njera ana qahemi pse jane te izoluara dhe te mbyllura dhe nga ana tjeter kur ato hapen ndaj shoqerise nuk leme gje pa share dhe ofenduar. Friken me te madhe ketyra ja kam, pseudoeuropianeve shqiptare qe nuk marrin vesh nga lidhert gomari dhe nuk e dine cdo te thote Europe dhe Amerike dhe bejne si gore.
Jo vetm me shami ne koke,por edhe me benevreke,bile nga ato te gjatat,se keshtu perparon moda ne parlamentin Shqiptar MADE IN TURQIA!
E me te keqen ju paska ardh akut Rankovici!
po si ste vjen zor, qe thua keto fjale, qoft per nder te gjithe atyre qe dhane jeten more zoteri per vendin e vete, te pakten nese pak integritet ki edhe pak respekt
Vajza te kultivuara pavaresisht se c’ane te politikes perkrahin. Por vetem ate shamine ta heqin … le te jene me Islamin e metj Islamit po pa shami. Po bene kete kane bere gjene me te vyer ne Bote
Keto femra se bashku me burat e tyre me pantollona te prera dhe mjeker cjap, financohen nga organizata radikale qe kane per qellim ne Shqiperi te instalohet feja ekstreme myslymane.Une vete jam orthodoks dhe kam shumica e shokeve dhe miqve myslymane te moderuar qe e njohin boten. Me keta qe komentojme do shkojme drejt lindjes se mesme.
Nese ke kultur shiko kush jane muslimanet qe ju i quani te prapambetur: Arti i prodhimit të letrës ne Samarkand dhe Bagdad . Shkenca e optikes, Matematika (algjebra), Mjekesia (kirurgjia), Astronomia, e shume fusha te tjera, ishin muslimane te gjithe ata qe dhane kontribut per njerezimin. Mos ju trembni islamit o njerez por trembuni degradimit qe po e marim si emancipim
ah sa lo…..e qe je mo ç-ç!
ca i ke ato budallalliqe ajka thot ne Bagdad!! a i thrret menjes e ti lexosh 1 her para se ti publikosh idjotizmat e tua??!!!
ca lesh ajke ka Bagdadi amon???
ndoshta para 2000 vjetsh thuhet qe kane pas ca gjona edhe ata po fatkeqsia esht qe i nxorren dhe i harruan po ateher
fatkeqesisht te gjithe popujt e banuar nga arabe as qe kane pike lidhje me Arabet e dikurshem!!!!
dhe mbi te gjitha ca po na plas ne ca ka pas arabi apo bagdadi
ne jemi Shqiptare!!!!
Shqiptar Shqiptar po si gjithmone magjar po nga ato qe kur i ka zene vapa dhe pse i bie me dru qe te levize nuk leviz gjall per te miren e tij
O injorante me brire! Po ku u bete ju shqiptaret qe deri dje flinit me pantallon e fund persiper more aman. Po ku u bete ju shqiptaret te flisni kur nenat e gjyshet i keni me nga nje nape en koke akoma, Po ku u bete ju grate shqiptare te folni kur ne veri akoma ke gra qe vishen deri en fyt prej tradites! Po ju tregoni vetem dicka! NJEREZ TE PADALE, TE MBYLLUR Shikoni njeher grate ne vendet aziatike se crol kane. Ska profesjon qe se kan bere, por ju jeni aq mendjengushte e shkurtpames sa mjaftoheni me lajmet e televizorit. Po ju flet nje qe ka jetuar ne eruroppe e azi!…
Gocave i uroj suksese,
p.s. hajd shko beni naj pune mjaft bete si grate e kqia, gam gam…