Trajneri i Chelseat, Jose Mourinho, planifikon të blejë, jo një, por dy top-sulmues në afatin veror.
Sipas Daily Mail, portugezi dëshiron të ketë skuadër të fuqishme në sezonin e ardhshëm, ashtu që do t’ia kërkojë Roman Abramovichit paratë e nevojshme për përforcime.
Zgjedhja e parë e Mourinhos është sulmuesi i Atletico Madridit, Diego Costa, i cili ka një klauzolë prej 32 milionë funtesh për prishjen e kontratës.
Dy klubet tashmë kanë negociuar për mundësinë e kalimit të braziliano-spanjollit në Stamford Bridge.
Blutë janë po ashtu duke monitoruar sulmuesin e Bayern Munichut, Mario Mandzukic, i cili do të bëhet ‘tepricë’ nga sezoni i ardhshëm, pasi që në Allianz Arena do të luajë Robert Lewandowski.
Po ashtu, në plan është edhe sulmuesi i Paris St Germainit, Edinson Cavani, si alternativë.