Presidenti i Kukësit, Safet Gjici, do të nderohet sot nga bashkia e qytetit me çmimin “Qytetar Nderi”, për shkak të kontributit të madh që ka dhënë për skuadrën e futbollit. Kukësi ka qenë surpriza e sezonit, pasi erdhi nga Kategoria e Parë, por në vend të mbijetesës shpalli si synim pjesëmarrjen në Europa League. Objektivi ambicioz u sigurua matematikisht një javë para përfundimit të kampionatit, ndërkohë që, pavarësisht rezultatit të sotëm kundër Skënderbeut, skuadra veriore është nënkampione e vendit, pasi Teuta u mund të premten nga Tomori. Kukësi i ka të gjitha arsyet për të festuar dhe ndeshja e sotme do të jetë pikërisht festë, aq më tepër që përballë do të jenë kampionët e vendit. Sipas njoftimeve nga klubi kuksian, para ndeshjes do të ketë koncert, ndërsa në pushim të saj do të zhvillohet ceremonia e çmimeve, pasi, përveç Gjicit, “Qytetar Nderi” do të bëhet edhe ish-mundësi Lutfi Meçka. Pas takimit, do të jetë radha e Skënderbeut për të festuar, pasi skuadrës korçare do t’i dorëzohet për të tretën hera radhazi trofeu i kampionit. Ndërkaq, dje është zhvilluar edhe një tjetër ndeshje për javën e fundit, midis Laçit e Tiranës, mbyllur pa gola. Të gjitha takimet që ulin siparin e kampionatit nuk kanë rëndësi për renditjen, pasi tani gjithçka ka përfunduar, përfshirë edhe garën për vendin e dytë, që i përket me meritë Kukësit.
Kategoria Superiore
Java e 26-të
Të enjten
Tomori – Teuta 4-1
Mitraj 2′, Ouej 17′, Karamani 43′, Xhejms 53′ / Xhafaj 63′
Dje
Laçi – Tirana 0-0
Sot
Kukësi – Skënderbeu
Vllaznia – Kastrioti
Apolonia – Flamurtari
Bylis – Besa
Luftëtari – Shkumbini
Renditja
P Skuadra F B H Gol. Pikë
1 Skënderbeu 18 4 3 40:10 58
2 Kukësi 14 7 4 45:22 49
3 Teuta 14 6 6 32:24 48
4 Flamurtari 13 6 6 49:32 45
5 Tirana 12 7 7 30:23 43
6 Laçi 11 5 10 32:31 38
7 Vllaznia 10 5 10 28:26 35
8 Kastrioti 10 4 11 26:34 34
9 Besa 8 7 10 22:26 31
10 Bylis 9 5 10 31:29 29
11 Shkumbini 6 8 11 16:32 26
12 Luftëtari 5 4 16 23:42 19
13 Tomori 4 7 15 29:50 19
14 Apolonia 1 9 15 16:40 12