70 pako lëndë narkotike e llojit marijuanë janë sekuestruar mëngjesin e sotëm në pikën e kalimit kufitar të Muriqanit, në Shkodër. Sipas policisë, lënda u gjet në mjetin tip ‘Benz’ me targa AA 135 EH, në pronësi të shtetasit Edi Gashi nga Mamurrasi. Uniformat blu kanë sekuestruar lëndën dhe kanë prangosur poseduesin e saj. Mësohet se lënda narkotike kishte si destinacion përfundimtar Italinë.