Në Shkodër, aty ku ndodhet një numër i madh i besimtarëve myslimanë, është mbajtur falja e mëngjesit në të gjitha xhamitë. Me shumë interes besimtarët kanë pritur fjalën e imamit Muhamet Syrtari në xhaminë e madhe të qytetit.
Kleriku sërish është ndalur te vlerat e bashkëjetesës fetare në Shqipëri dhe ka vijuar fjalën e tij kundër ekstremizmit dhe ekstremistëve. Ndërsa ka riktheksuar vlerat e islamit, Syrtari deklaroi se myslimanët shqiptarë nuk do të ndjekin thirrjet e atyre që nxisin konflikt dhe armiqësi.