Na ndjek nga pas ajo lagështirë

Email në adresën

[email protected]

Në Amerikë festohet “Dita e kujtimit” (Memorial Day).U zgjova në 6 të mëngjezit, hapa T.V tek kanali TSM dhe ç’të shoh?…Filmi sovjetik i 1957 “Shtegtojnë krillat” me Tatjana Samajllova dhe Aleksei Batallov, dy ndër gjigandët e filmave sovjetik të asaj kohe. Nje film që më vonë tek ne u quajt revizionist për të vetmen arsye sepse ishte filmi i parë i luftës së madhe ku kurkund nuk përmendet Stalini. Në Amerikë-filmi sovjetik?!

Shihja filmin dhe çuditërisht më acaronte nervat kujtimi i një historie në 1994, në Elbasan, në sallën e teatrit; për nder të përvjetorit të Pavarsisë dhe çlirimit u dha një koncert nga shkolla e muzikës. Kur konferencieria prezantoi orkestrinën e harqeve me dy pjesë muzikore të kompozitorit të madh botëror Çajkovski, tre vete nga publiku, në mënyrë demostrative, në forme proteste u ngritën dhe dolën nga salla..

Ishin kryetari dhe dy antarët e “kryesisë” të shoqatës “Kosova”. Dy mësues dhe një inxhinjer. Çajkovski ishte rus, pra ..

Eh… Na ndjek nga pas ajo lagështirë që na kalli për 45 vjet reumatismën ideo-politike-artistike-kulturore-arsimore-jetësore; atë reumatizëm të truve që ngjyroste e ç’gjyroste vetëm bardhë e zi, që, edhe tani, here pas here na bën të rënkojmë sa herë mundohemi të “zbërdhejmë e të mbërthejmë” problemet e kohës. Vështirë e kemi, vështirë.. Por thonë se nuk trashëgohet kjo qerrata sëmundje. Kështu thonë. Por, siç tregojnë  bathët….Ëhëëëë!