Forcat dhe energjitë Sali Berisha i mer edhe nga ndërkombëtarët. Më së pari nga e djathta europiane. Në disa raste edhe nga të tjera forca politike në institucionet e B.E. Të cilat e inkurajojnë për ruajtjen e stabilitetit në Ballkan, edhe atëhere kur ai pret dhe vret për ruajtjen e stabilitetit vetiak politik në vend. I mer me marifete, nga më të ndryshmet, në fushën e politikës së jashtme që realizon me shtete të fuqishme të botës përfshi Kinën dhe Rusinë. I mer nga marrëdhëniet e ngrohta dhe shumë miqësore që ai instaloi me Amerikën, nga viti 2005, në fushën politike dhe atë tregtare me interes reciprok, si dhe pasi dërgoi për herë të parë forca ushtarake shqiptare me misione luftarake deri në Afganistan.
Kura e vetme për shkuljen e rrënjëve të sprapsme të totalitarizmit në Shqipëri, e përsëritim, është lufta dhe puna tonë për të ndërtuar një shtet të drejtë, të sigurt, të begatë i cili të mund të fitojnë krenarinë e popullit të vet, dhe të jetë një aktor konstruktiv, i barabartë, bollëk-prodhues i gadishullit Ballkanik e më gjërë. Le t’u kthehet nacionalizma pronarëve të ligjshëm – qytetarëve të zakonshëm të cilët e fitojnë jetën duke e bërë punën e tyre ashtu siç duhet. Asnjë shqiptar nuk ka të drejtë që të pretendojë ekskluzivitetin për titujt nacionalist apo patriot, qoftë ai ose ajo një president, kryeministër, deputet, korporatë shumëkombëshe apo një fermer.
Letër e nënshkruar: Nasho Bakalli