Shqipëria po i afrohet datës historike të zgjedhjeve të përgjithshme. Edhe pak më shumë se 100 ditë mbeten deri atëherë. Në prag ngjarje të tilla, duket se koha ikën e rrjedh si uji. As kush nga faktorët pjesëmarrës në këto zgjedhje, nuk është i interesuar ti fluturojë koha kaq shpejt. Mbajtësve të pushtetit u duhet ende kohë për të bërë demagogjinë e nevojshme, për të bërë të mundur, sipas tyre, që ,,sapuni të hahet si djathë”, për të sajuar e konsoliduar marifetet e manipulimeve në faza të caktuara të procesit zgjedhor. Ndërsa për subjektet politikë në opozitë, çdo ditë duhet të jetë,veçanërisht e vlerësuar, për tu dhënë ,,dorën e fundit” programeve të tyre të zhvillimit të vendit në katër vitet e ardhshëm. Çdo ditë duhet të jetë, veçanërisht e vlerësuar për të marrë e zbatuar masat e nevojshme për të neutralizuar, demaskuar dhe nxjerr jashtë funksionimit të marifeteve manipulues të markës “Made In Berisha” që në çdo kohë, priten të jenë befasues. Marifetet e k/ministrit në dëm të procesit normal të zgjedhjeve, mund të jenë dhe “legalë” e “ligjorë” por mund të jenë dhe tinëzar e të pa parashikuar. Të shpresosh tek ai se ,,diçka për mirë mund të ndryshojë”, është naivitet i pa falshëm edhe për një qytetar të thjeshtë e jo më për politikanë e lider të opozitës. K/Ministri dhe patericat e tij, janë të vetëdijshëm për dëmet e mëdha që i kanë shkaktuar vendit dhe qytetarëve të tij. Pikërisht, më shumë për këtë të vërtetë, ai dhe ata nuk duan ta lëshojnë pushtetin.
Opinion i nënshkruar: Ramazan Sula