Paraprakisht, kjo e së premtes, 1 dhjetor, është ndeshja e madhe e ditës, me Napolin dhe Juventusin që do të përballen në orën 20:45, në “San Paolo”. “Azzurri” dhe “Bianconeri” janë ndër favoritët kryesorë në garën për titullin në Seria A, por në Napoli, sidomos Juventusi, nuk do të duhet të pranojë asgjë, përveç 3 pikëve.
Ndryshe, e thellon hendekun nga kreu. Vetëm dy humbje ka Juventusi në këtë kampionat, në shtëpi me Lazio dhe në Genoa kundër Sampdorias, tri barazime dhe 21 fitore të përgjithshme për të dyja ekipet në këtë fillim të sezonit.
Vendndodhja e jashtëzakonshme e “Azzurri” në fillim të sezonit nuk mund ta bëjë plotësisht Napolin si më favorit për fitoren përfundimtare ndaj Juventusit, teksa kompanitë e basteve në Itali (BetStars) e kuotojnë me 2.10 suksesin e mundshëm të vendësve.
Fitorja e bardhezinjve udhëtues kuotohet me 3:40, çka konfirmon se në çdo rast, në “San Paolo” presim një ndeshje, ku balanca do të mbizotërojë. Barazimi, në fund, është rezultati më pak i qartë dhe i jepet kuota 3.50.
Ajo e “San Paolo” është sfida midis dy sulmeve më të mira në kampionat, por edhe i mbrojtjeve më të padepërtueshme.
Me 37 dhe 34 gola të shënuar, në fakt, Juventus dhe Napoli janë pothuajse “sup më sup” në rivalitetin e këtij lloji.
Napoli ka kolonën e golave të pësuar më të mirë ( (9 gola), duke pasur vetëm Romën më lart në këtë aspekt, me 8 gola të pësuar. Në kushtet e golave të pranuar, napoletanët, ashtu si edhe Interi (9 gola) janë qartësisht përpara Juventusit, i cili ka pësuar 14 gola, si Lazio.
Napoli dhe Juventusi janë takuar 148 herë mes tyre në Seria A. Në 74 lojëra në shtëpi, napoletanët kanë grumbulluar 24 fitore, 28 barazime dhe 22 humbje, duke shënuar 89 gola dhe pësuar 86 të tillë. Duke pasur parasysh ndeshjet e luajtura në Torino, Juventusi merr kryesimin me 69 fitore, krahasuar me 31 humbje dhe 48 barazime.
Gjithsej, në këto 148 ndeshje mes tyre, janë shënuar 387 gola, nga të cilat 157 nga Napoli dhe 230 nga Juventusi. Në favor të Juventusit është edhe Allegri, kur bën krahasimin e përplasjeve të drejtpërdrejta mes dy teknikëve, duke përfshirë Seria A dhe Lega Pro.
Trajneri nga Livorno, në fakt, ka triumfuar në pesë nga tetë ballafaqimet e mëparshme, ndërsa Sarri ka fituar vetëm një ndeshje direkte, Napoli-Juventus 2-1, në sezonin 2015-2016, dhe ka marrë dy barazime. Një sfidë mes teknikëve, që e filluan karrierën në sezonin 2003-2004, kur trajnonin respektivisht Sangiovannese dhe Aglianese.
Duke përjashtuar dy ndeshje të luajtura këtë fundjavë, karriera si trajner e Maurizio Sarri në Serie A, me Empolin dhe Napolin, regjistron 127 sfida. Nga këto, 70 janë fitore, 35 barazime dhe 22 humbje. Nga ana tjetër, Massimiliano Allegri, i cili ka pasur më shumë përvojë, ka qenë në stol 402 herë, me 194 fitore, 67 barazime dhe 70 humbje.