Alexei Arestovich, këshilltari i kreut të zyrës së Presidentit në Ukrainë komentoi mundësinë e një sulmi rus në një bazë të NATO-s.
Sipas tij, lufta do të zgjaste vetëm tre ditë.
Lajmin e bëjnë të ditur mediat vendase, duke cituar deklaratën e tij gjatë transmetimit të telethon-it kombëtar.
Arestovich-it iu kërkua të komentojë deklaratën se presidenti rus Vladimir Putin mund të urdhërojë një sulm në një bazë të NATO-s.
Kjo, për të bllokuar mbërritjen e armëve për ushtrinë ukrainase.
“Le të ndodhë. Unë mendoj se lufta do të zgjaste tre ditë”, shtoi zyrtari ukrainas.
Më herët, ish-këshilltari britanik për sigurinë kombëtare, Peter Ricketts, u shpreh se Putin mund të merrte në konsideratë një vendim të tillë.
Në të njëjtën kohë, analisti i “Defense Express” Serhiy Zgurets nënvizoi se Ukraina nuk mund të përjashtonte një sulm nga Rusia.
Moska, sipas tij, duhet të kuptojë përfshirjen e drejtpërdrejtë të aleancës në luftë.
j.l./ dita