Sekretari i Përgjithshëm i NATO-s, Jens Stoltenberg, ka shprehur shqetësimin e tij për sulmet e Brukselit.
“Jam thellësisht i trishtuar nga sulmet në Bruksel që ndodhën këtë mëngjes. Numri i të vdekurve është numër tragjik. Ngushëlloj të gjithë ata që humbën familjarët dhe të dashurit e tyre, jam me popullin e Belgjikës. Duhet të rrimë të bashkuar në këto ditë të errëta për Europën. Ky është një sulm frikacak. Nuk do ta lejojmë terrorizmit ta mundë demokracinë dhe t’i mohojë liritë tona. NATO shpall gjendje alarmante. Ne duhet të jemi vigjilent dhe të vazhdojmë të monitorojmë situatën nga afër”, ka thënë Sekretari i Përgjithshëm i NATO-s.