Ndahet nga jeta shkrimtari i dashur për fëmijët, Skënder Hasko. Autori i dhjetëra librave për fëmijë ka ndërruar sot jetë në moshën 77-vjeçare. Ceremonia e varrimit do të mbahet nesër në Dukat të Vlorës, vendlindja e tij. Hasko vitet e fundit ka mbajtur pozicionin e redaktorit të botimeve për fëmijë në Shtëpinë Botuese “Toena”. Ai është i njohur për lexuesit e të gjitha moshave. Janë me mijëra njerëzit që janë rritur me veprat e tij, një pjesë e të cilave janë ekranizuar. Një ndër më të njohurat është filmi “Një gjeneral kapet rob”. Hasko mbahet mend edhe për përkthimet e tij me vlerë nga rusishtja, greqishtja etj. Ai ka fituar disa çmime për krijimtarinë dhe përkthimet.
Skënder Hasko ka punuar në revistën “Hosteni”, në Shtëpinë Qendrore të Krijimtarisë Popullore, kryeredaktor i revistës “Pionieri” dhe drejtor i Teatrit Kombëtar të Fëmijëve.
Zoti e pranoft ne parajse te ndjerin Skender. Ngushellime te afermve, miqve dhe shokeve te tij.
Nderim dhe respekt vepres dhe kujtimit te Tij.
Po na mbarojne figurat e verteta intelektuale te kombit dhe mjerimi po vjen me shpejtesi…
(Duket si vella binjak i Birce Haskos, megjithate ka njeri qe e njeh, vellezer jane?)
po,po vellezer ishin
Rahmet paste, ti rroje familja dhe ngushellime.