Ndarja nga jeta e Robert Elsie, Meta: Një humbje e madhe për letrat dhe kulturën shqipe

Presidenti Ilir Meta ka i ka shprehur ngushëllimet familjarëve dhe miqve të albanologut kanadez Robert Elsie.

Në një njoftim për shtyp Presidenca shkruan:

Ikja e pakthim e këtij albanologu të shquar, përkthyes, hulumtues, studiues i palodhur i letërsisë dhe folklorit shqiptar dhe njëherazi mik i sinqertë e i çmuar i kombit tonë, është një humbje e madhe për letrat dhe kulturën shqipe.

I shpreh familjes, miqve e bashkëpunëtoreve të tij ngushëllimet më të thella e të sinqerta për humbjen e të dashurit të tyre.

Doktor Elsie na la pas një trashëgimi të jashtëzakonshme, një numër të konsiderueshëm librash dhe shkrimesh dedikuar letërsisë, historisë, albanologjisë dhe kulturës kombëtare shqiptare.

E gjithe bota akademike shqiptare, dhe të gjithë shqiptarët kudo gjenden, i mbetemi përjetë mirënjohës këtij njeriu që shkëlqeu përmes punës së palodhur, modestisë fisnike, dhe qe e deshi e nderoi kombin tonë përmes veprës e fjalës.