Ekspertët thonë se ndërhyrja e Bankës së Shqipërisë në kursin e këmbimit valutor, ishte një nga politikat e duhura e cila do të ndihmojë rritjen ekonomike të vendit, e veçanërisht sektorin prodhues.
Selami Xhepa thotë se në pikëpamjen e tij, një ndërhyrje e tillë e bankës qëndrore për të blerë sasi valute duhet të ishte bërë më parë, për të shmangur rënien dramatike që pati javët e fundit.
Ai sqaron se do të ishte një faktor pozitiv nëse Këshilli Mbikëqyrës i Bankës së Shqipërisë do të zhvendoste në kohë të mëvonshme kalendarin e paketës rregullatore për deurizimin, për të mos dhënë efekte në zhvlerësimin e mëtejshëm të Euros.
Ulja e normës bazë të interesit në këto momente, sipas ekspertëve, do të mbështesë rritjen e konsumit e do të lehtësojë kredinë.
Ata thonë se kjo masë synon të mbajë të stabilizuar nivelin e inflacionit.
a.s/dita