Ndërron jetë aktori Dennis Farina

Ndërron jetë aktori hollivudian Dennis Farina. Aktori i njohur është ndarë nga jeta sot në një spital në Arziona, SHBA, në moshën 69-vjeçare.

I lindur në vitin 1944 në Çikago, Farina ka punuar fillimisht si agjent policie deri në moshën 37-vjeçare, kur luajti në filmin e tij të parë “Thief” (Hajduti).

Farina mbahet mend për rolin e tij në filmin “Shpëtoni ushtarin Ryan” dhe interpretimin e detektivit Joe Fontana në serialin e suksesshëm policor “Low and Order” (Ligj dhe rregull).