Ndërron jetë liriku i njohur, studiuesi Koçi Petriti

Ndahet nga jeta pedagogu dhe liriku i njohur Koci Petriti. Studiuesi i njohur i nda nga jeta dje në moshën 73-vjeçare nga një sëmundje e rëndë në mushkri. Petriti njihej për tekste të shumta të këngëve në festivalet e Radiotelevizionit Shqiptar.

Biografi

Koçi Petriti lindi më 1941 në Sovjan të Korçës. Shkollën fillore e të mesme i kreu në Korçë. Pas një periudhe të shkurtër pune si arsimtar, fitoi të drejtën e studimit në Fakultetin e Historisë dhe Filologjisë në Universitetin e Tiranës, ku u diplomua (1967) për gjuhë dhe letërsi. Me mbarimin e fakultetit, pasi kreu shwrbimin ushtarak 2-vjeçar, u emërua arsimtar në Librazhd. Më 1990 emërohet në departamentin e talenteve të reja pranë Lidhjes së Shkrimtarëve dhe Artistëve të Shqipërisë (Tiranë), ndërsa më 1992 Sekretar i Përgjithshëm i kësaj Lidhjeje. Më 1993 emërohet Dekan i Fakultetit të Historisë dhe Filologjisë të Universitetit të Tiranës, ndërsa vitet e fundit ishte pedagog i jashtëm i këtij fakulteti.

Tituj të veprave

Lirikat e majit (Tiranë, 1962)

Përsëri në udhë (Tiranë, 1867)

Firma e popullit tim (Tiranë, 1974)

Prush nëpër shekuj (Tiranë, 1979, çmimi: libri më i mirë i vitit)

Lulekuqet (Prishtinë, 1981)

Të dashurova ty (Tiranë, 1988)

Poezia shqipe (kolana e poezisë shqipe, Tiranë, 1989)

Në poetikën e Martin Camajt (Tiranë, 1997)

Lirikat e majit (Tiranë, 2002, ribotim i ndryshuar)

Albumi i lirikave (Tiranë, 2004)

Poezi të zgjedhura (Tiranë, 2005)