Një 47-vjeçar nga Elbasani ka ndërruar jetë gjatë mëngjesit të sotëm te “Sanatoriumi” për shkak të koronavirusit.
Sipas Abcnews 47-vjeçari ishte i shtruar prej 10 ditësh tek spitali Covid2 duke mos mundur t’ia dalë. Bashkë me 47-vjeçarin, numri i personave nga Elbasani që kanë ndërruar jetë prej koronavirusit përllogaritet të jetë 64 duke e bërë njërin ndër qarqet më të prekura.
Sipas të dhënave të ministrisë së Shëndetësisë, në qarkun e Elbasanit janë 804 raste aktive. Dita e djeshme ishte rekordi i rasteve të regjistruara dhe fataliteve.
Në 24 orët e fundit kanë rezultuar pozitivë 795 qytetarë. Rastet pozitive të konfirmuara në 24 orët e fundit janë identifikuar në këto bashki: 236 raste në Tiranë, 58 në Durrës, 52 në Korçë, 51 në Vlorë, 50 në Berat, 42 në Fier, 35 në Krujë, 29 në Pogradec, 27 në Kukës, 20 në Gjirokastër, nga 19 raste në Shkodër, Sarandë, 18 në Tropojë, 16 në Gramsh, 15 në Mirditë, 13 në Tepelenë, 12 në Mallakastër, nga 11 raste në Kurbin, Lezhë, Mat, 10 në Kuçovë, nga 7 raste në Has, Dibër, nga 5 raste në Lushnje, Delvinë, nga 4 raste në Malësi e Madhe, Bulqizë, Kolonjë, 3 në Devoll, 1 në Kavajë.
o.j/dita