Pezullimi i fushës fillon në momentin më të padëshiruar për Kukësin, i cili mori një fitore të shkëlqyer 3-1 të mërkurën në Korçë, kundër Skënderbeut. Skuadra e Armando Cungut do të kishte më tepër shanse të vazhdonte ecurinë pozitive përpara tifozëve të saj, aq më tepër që sot do të ketë përballë Teutën, kryesuesen e kampionatit. Për shkak të dënimit nga Komisioni i Disiplinës, ndeshja do të luhet në “Loro Boriçi” të Shkodrës. Nga fusha asnjanëse mund të përfitojnë durrsakët, të cilët dëshirojnë t’u shkëputen sërish tri skuadrave që arritën dje në të njëjtën kuotë pikësh. Në “Qemal Stafa” do të jetë “ndeshja e krizës”, midis dy skuadrave në vështirësi. Tirana pret Skënderbeun, pas humbjeve të pësuara në mesjavë. Për korçarët ishte e dyta radhazi, por nuk mund të ngushëllohen më tepër bardheblutë, pavarësisht se fituan fundjavën e kaluar me Lushnjën, pasi gjendja e tyre mbetet e pakëndshme. Flamurtari dëshiron të marrë veten, teksa pret Kastriotin, ndërsa në Laç vendasit presin Bylisin, kundërshtari që mundën në finalen e Kupës së Shqipërisë sezonin e kaluar.
Kategoria Superiore
JAVA 4
Dje
BESA-PARTIZANI 0-1
Mitraj 61′
LUSHNJA-VLLAZNIA 1-1
Çanka 21′ / Tafili 13′
Sot
LAÇI-BYLISI 14:00
FLAMURTARI-KASTRIOTI 14:00
KUKËSI-TEUTA 14:00
TIRANA-SKËNDERBEU 17:00
N Skuadra P Gol F B H
1 Teuta 7 6:4 2 1 0
2 Vllaznia 7 6:2 2 1 1
3 Partizani 7 5:3 2 1 1
4 Lushnja 7 3:2 2 1 1
5 Bylis 4 4:4 1 1 1
6 Laçi 4 1:1 1 1 1
7 Tirana 4 1:2 1 1 1
8 Flamurtari 3 4:3 2 0 1
9 Skënderbeu 3 3:5 1 0 2
10 Kukësi 3 3:5 1 0 2
11 Kastrioti 3 2:4 1 0 2
12 Besa 1 4:5 0 1 3
Flamurtari -3 pikë