Lega e Serie A ka menduar të zgjerohet më shumë në kontinentin aziatik, veçanërisht duke i bërë një nder pronarëve kinezë të Inter dhe Milan. Kështu, drejtuesit e futbollit Italian kanë menduar t’i zhvillojnë ndeshjet e dy skuadrave milaneze në orën 12:00 ose 18:00, orare këto të favorshme për vendet aziatike.
Por kjo zjedhje nuk pëlqehet aspak nga Sky dhe Mediaset, dy televizionet me pagesë që transmetojnë Serie A dhe që besojnë se në këtë mënyrë dëmtohet investimi i tyre. Këto dy kompani kanë blerë të drejtat televizive për trevjecarin 2015-18. Zhvillimi i ndeshjeve në orën 15 të shtunave dhe 18 të dielave nuk parashikohej në kontratën e mëparshme, ashtu si fakti se oraret që kanë më shumë shikues janë lënë për skuadra jo të mëdha.
Mediaset dhe Sky ia kanë komunikuar pakënaqësinë e tyre Lega-s në ditët e kaluara, madje Mediaset ka lajmëruar drejtuesit e futbollit itlaian se mund ta çojë çështjen në gjyq. Nga ana e saj, Lega ka bërë të ditur se mund të ushtrojë të drejtën për të bërë ndryshimet që do.
“Zgjedhja e orarit të ndeshjeve është një e drejtë ekskluzive e Lega Calcio Serie A, që do të bëjë gjithçka është e mundur për të shamngur që këto ndeshje të zhvillohen në të njëtin orar”, ka bërë të ditur Lega në një komunikatë për shtyp.