Komisioni i Disiplinës ka dënuar skuadrën e “Skënderbeut” dhe KF ”Tirana” për sjellje të gabuar të tifozërive të tyre, për hedhje të sendeve të forta, mjeteve ndezëse në fushën e lojës si dhe ofendimeve të vazhdueshme. Skuadrat dënohen secili me zhvillimin e një ndeshjeje pa spektatorë në stadiumin përkatës.
Po ashtu është dënuar edhe ekipi i KF ”Laci”, për sjellje të gabuar të tifozëve të tij dhe dështim në përmbushjen e përgjegjësive dënohet me 20.000 lekë gjobë.
Komisioni i Disiplinës në mbledhjen e tij mori edhe disa masa ndëshkimore ndaj ekipeve të kategorive të ndryshme dhe futbollisteve për veprime antisportive në fushen e lojës.