Kompania e teknologjisë “Huawei Albania” në bashkëpunim me organizatën “Fundjavë Ndryshe”, u kanë ardhur në ndihmë fëmijëve që jetojnë dhe studiojnë ne zonat periferike të Tiranës. Kompania shpërndau çanta dhe mjete shkollore për fëmijët e shkollave 9-vjecare ne Kamëz, Zall- Herr dhe fshatrat përreth.
“Ne besojmë që edukimi është arma më e fuqishme për të ndryshuar botën. Ndaj, objektiv i fushatës ishin arsimi i fëmijëve me kushte të vështira socialo-ekonomike”, tha Drejtuesi i kompanisë në Shqipëri, Kobe Cui.
Kjo nismë bamirësie i hap rrugën veprimtarive të tjera humanitare që kompania “Huawei” ka vendosur të kryeje në të ardhmen.
