Ish-kreu i Gardës Ndrea Prendi, i dënuar me 1 vit burg për vrasjen e demonstruesit Faik Myrtaj është rikthyer serish në dyert e Gjykatës, por këtë herë për akuzën e shpërdorimit të detyrës.
Prendi bashkë me pasardhësin e tij në detyrë Artan Hoxha, akuzohen se kanë shpërdoruar detyrën, duke paguar për një vit e gjysmë drejtoreshën e burimeve njerëzore në Gardën e Republikës, në një kohë që ajo nuk ishte paraqitur asnjë ditë në punë.
Këtë të enjte, Gjykata e Tiranës ka nisur gjykimin e kësaj çështje, e cila u kallëzua në Prokurori nga Ministria e Brendshme.
I pranishëm ne seance ishte edhe vete ish-kreu i gardës. Por Prendi ka kërkuar shtyrjen e seancës, pasi në Gjykate nuk ishte paraqitur avokati i tij Genc Gjokutaj, kërkesë që u pranua nga togat e zeza.