Ngjarjet me kompaninë Belle Air kanë sjellë ndryshime në tregun e fluturimeve mes Shqipërisë dhe Italisë. Kompania ajrore italiane Small Planet Airlines/Flyplanet ka njoftuar dje se ka nisur fluturimet mes Shqiperise dhe Italise duke filluar nga data 20 dhjetor 2013, me destinazionet Tirane-Genova, Tirane-Bari, Tirane-Napoli.
“Po i pergjigjemi nevojave te pasagjereve shqiptare dhe italiane, si rrjedhoje e ndryshimeve te fundit ne treg. Kjo iniciative e kompanise Small Planet Airlines/Flyplanet do te zhvillohet ne bashkepunim me agjensine Global Travel ne Shqiperi, e cila do te jete dhe Agjenti Ekskluziv i Shitjeve (G.S.A.) i kompanise ajrore per Shqiperine. Tarifat e fluturimeve te reja jane me cmime favorizuese dhe me taksa te perfshira (detajet dhe kushtet e pergjithshme jane tashme te publikuara ne faqet tona online). – thuhet në një deklaratë për media të kompanisë.
«Vendosem te ndermerrnim menjehere kete iniciative nisur nga kerkesat e shumta te pasagjereve, si te atyre shqiptare rezident ne Itali, ashtu dhe shoqerive te ndryshme italiane qe kerkojne te udhetojne drejt Shqiperise per arsye te ndryshme biznesi, te cilet ne menyre te rregullt udhetonin nga Tirana drejt Genoves, Barit dhe Napolit (dhe anasjelltas) », sqaron Stefano Canessa, perfaqesuesi i kompanise Small Planet Airlines. Ornela Zholaj, perfaqesuese e Global Travel (G.S.A e Small Planet Airlines per Shqiperine) shton se pasagjeret do te kene mundesine te marrin te gjithe informacionin e domosdoshem mbi fluturimet, duke perfshire dhe leshimin e biletes dhe te gjitha sherbimet qe lidhen me te, jo vetem nepermjet sherbimit online, por gjithashtu duke ju drejtuar zyres se Global Travel në Shqiperi, si dhe te gjitha agjenisve te kontraktuara ne Tirane dhe ne te gjitha rrethet e Shqipërisë.
“Nje nga fleksibilitetet qe do te mundesohen nga Global Travel per tregun shqiptar eshte realizimi i kontratave me biznesin dhe shoqatat te cilet do te kene kushte lehtesuese duke u ofruar cmime dhe procedura teper favorizuese” – tha Zholaj.