Situata reale në bregdet është larg retorikës politike.
Ndërkohë që njoftimet zyrtare japin shifra të përditshme heqje çadrash e shezlongjesh, mjaftojnë pak orë pas që situata të kthehen sic janë pas ikjes së kamerave dhe mediave.
Në Ksamil kanë dalë pamjet e para të ripopullimit të bregut me shezlongje private vetë 3 ditë pas aksionit masiv për heqjen e tyre.
Ndërkohë në shumë zona detare ku janë bërë investimet e fushatës “Rilindja urbane” amortizimi i punimeve në sheshe apo bregun e detit është shumë i shpejtë, megjithëse kanë kushtuar disafish kostot e tyre.
Tjetër problem është vijimi i lejimit të ndërtimeve pa kriter.
Monitor sjell rastin e Shëngjinit, bregdeti më i afërt për shqiptarët e Kosovës, pasi nga Prizreni te plazhet e Ranës së Hedhun duhen vetëm dy orë.
Ky avantazh e bëri mjaft të frekuentuar qytetin e vogël të Veriut, i cili më parë shërbente vetëm për banorët përreth.
Kërkesa në rritje për pushime nxiti ndërtimin e hoteleve serioze pas viteve 2010.
Në Shëngjin ofron shërbimet “all inclusive” një nga resortet më të mëdha në vend, që akomodon në një natë mbi 1700 persona.
Por, përmirësimi i rrugës vitin e kaluar nga Rana e Hedhun deri në Lagunën e Kune -Vain ka nxitur një valë të re ndërtimesh pa kurrfarë standardi për turizëm të qëndrueshëm dhe serioz.
Oferta më e lartë për akomodim për të njëjtin fluks pushuesish ka sjellë ulje të çmimeve nga 30-50%.
Shëngjini ka humbur bukurinë një plazhi të qetë dhe cilësor ndaj dhe pushuesit këtë vit duket se e kanë braktisur.
Numri çekëve dhe polakëve u ul ndjeshëm këtë verë, gjithashtu edhe rezervimet nga shqiptarët e Kosovës, të cilët janë larguar drejt plazheve të tjera më pak të zhurmshme.
Hotelet kanë ulur çmimet në raport me një vit më parë për të tërhequr pushues dhe çadrat në plazhet e Ranës së Hedhun janë të mbushura përgjysmë.
Menaxherët e hoteleve kryesore atje pohuan se dhomat në brezin e parë të plazhit po shiten edhe me 50 euro nga 80 -100 euro dy-tre vite më parë.
Sipas tyre, vetëm këtë vit oferta për banesa të reja është dyfishuar dhe kjo ka sjellë ulje të çmimeve edhe për hotelet serioze.
“Arsyet e ikjes së pushuesve janë të shumta dhe komplekse, por arsyeja kryesore lidhet me mungesën e politikave orientuese të qeverisë për të zhvilluar turizmin në baza të qëndrueshme dhe për më tepër, për të mos lejuar ende sot pas gati tre dekadash tranzicion ndërtime pa kriter” – shkruan Monitor
o.p. / dita
PAROLE, PAROLE, PAROLE Signori Rama e Lleshi
Shuuume sakte!
Dhe pastaj habitet qeveria per reportazhe si ai i Rai 3.
Ose ben sikur habitet.
Ishte e pritshme që dokumentari i RAI 3 mbi aktivitetin e grupeve të trafikut në Shqipëri dhe situatën e kultivimit të kanabisit do prishte humorin e qeverisë, e aq më tepër të ministrit të Brendshëm që e ka çuar policinë në plazhe për të hequr shezlongë e çadra, të cilat vetë ky shtet i la për 6 vjet të zinin plazhet publike.
Ministri ka reaguar për dokumentarin e Rai-t duke bërë një çarçaf pa vlerë në facebook dhe sulmuar televizionin italian bashkë me opozitën.
E njëjti avaz sa herë të palarat dalin në shesh, jo nga mediat shqiptare por ato të huaja. Kujtojmë reagimin e Partisë Socialiste nëpërmjet Blerina Gjylametit për përgjimet e BILD, reagim të cilin zoti Rama e gëlltiti me gjithë shfaqjen bajate të zonjës në fjalë, duke e quajtur deklaratë të paautorizuar.
Ministri i Brendshëm, Sandër lleshaj nuk ka bërë gjë tjetër veçse Gjylametin e radhës, duke folur për fake news dhe mish-mash televiziv dokumentarin e RAI-it apo reagimet qe ngjalli. Ai thotë se shumë shpejt autoritetet italiane do reagojnë mbi këtë material, ndërkohë që në dokumentar janë autoritetet që flasin, Prokurori i Antimafias dhe zyrtarë të lartë të policisë italiane.
Ai thote se ne Shqiperi 1/3 e siperfaqes vijon te jete e mbjelle me kanabis, ndersa vjet u kapen vetem ne nje ngarkese 9 ton kanabis ne Otranto.
Mund të dilni në ERTV të përgjënjeshtroni shifrat dhe ashtu si zoti Rama mund të bëni padi ndaj RAI-3.
Të tjerat janë parole Signor Lleshi..!
Po mire mo Ori, kete “shume sakte”kujt ja drejton? Vetvetes? Edhe moderator, edhe komentues kjo sikur s’shkon.
Per temen ne fjale kishe ne ndonje koment? Apo ju ka thene Fuga te komentoni ne stilin e liderit global, qe kur e pyesin per ekonomine apo drejtesine, te kthehet dhe te flet per Juventusin.
I nderuar komentues
Për shkrimet e postuara në faqen online përveç komenteve që shkruhen drejtpërdrejt nga ju nën tekstin e redaksisë vijnë edhe komente me email ose SMS nga lexues që për arsye të ndryshme nuk u postohen komentet ose e përcjellin Ditën nëpërmjet rrjeteve sociale.
Këto komente hidhen nga redaktorët e faqes online në shkrimin përkatës, secili sipas fashave të orarit që mbulon.
Përkohësisht këto komente shfaqen me emrin e editorit të momentit dhe më pas shfaqet emri i komentuesit ose emri i zgjedhur prej tij.
Nëse moderatori dëshiron të thotë diçka, ai e thotë nën okelion MOD.
Faleminderit dhe lexim të mbarë
Moderatori Online Dita
Ornela e Varuzhan Piranjanit ben analize tregu.