Në emër të fjalës po shkruhen hatara!

Sot ndrisin kaq xhevahirë,
dhe s’ka çorbë që nuk gatuhet,
nuk është problem fjalë e lirë,
po mënyra se si thuhet.

Kanë ikur kohët e para,
erdhi një kohë më e mirë,
por këtu thuhen hatara,
në emër të fjalës lirë!

Fjala ka qenë e para,
që ndryshoi Botën dhe jetën,
po ajo sot duhet parë,
në raport me të vërtetën.

Del e flet fjalën e lirë,
shëmbëlltyra e gogolit,
dhe thotë-se tani ka ikur,
kohë e Dritëro Agollit!

Ky idiot e përdor fjalën,
në vend të shpatës dhe drapërit,
vetëm me një të qëlluar,
i heq kokën Kristo Frashërit!

Pastaj dalin dy bretkosa,
dy zhaba në anë të gjolit,
në emër të fjalës lirë,
i bëjnë gropën Fan Nolit!

Prush u bëra në fytyrë,
mu ngjeth mishi-m’u bë kokërr,
kur thanë derrat e ndyrë:
“Noli është një mediokër!”

Dy derra filologjiku,
fjalë për fjalë kështu kanë thënë,
pak t’u thuash-o lum miku:
“U bëfsha baba e nënë!”

Noli është krye gjeniu,
s’ka dalë tjetër që t’i ngjajë,
i them çdo derri-a thiu:
“S’ka bir kurve që ta shajë!”

Dhe ca derra kosovarë,
që tek njerëzit dot s’i fus,
i thonë Heroit Kombëtar,
plaçkitës dhe përdhunus!

Me urrejtje të paparë,
vazhdonte pisi i pisit:
“Të qe Skënderbeu gjallë,
do qe shënjestër i IS-it!”

Mostrat e fjalës së lirë,
vetëm maja malesh gjuajnë,
të shumtit-i kam parë mirë,
dhe emrin për turp e shkruajnë!

Fjalë e lirë pikë së pari,
stonon me mendjen e trashë,
njëlloj sikur një të marri,
t’i montosh në gojë Kallash!

Fjala e lirë është armë,
jo veç për njerëzit e ditur,
por unë sot po jap alarm,
për fjalën e zhgarravitur!

Qëmtova raste flagrante,
gjuhën e denjë të armiqve,
s’janë veç pjella injorante,
po dhe të liqtë e të liqvë!

Në emrin fals të lirisë,
këto mostra bashkëkohore,
i godasin Shqipërisë,
figurat më kryesore!

Ju kërma s’i prishni dot,
monumentet shekullore,
përmbi ju do bjeri sot,
gjithë urrejtja popullore.

Pa ta s’do qe Shqipëria,
një komb i madh e i ndritur,
kurrë s’prishet historia,
nga ca derra të fëlliqur!