Në mungesë të Dekretit për Skënder Gjinushin, pesha e kryqit është në kurriz të Vaso Toles!

Shtatëdhjetë e pesë vjet,

që jemi çliruar,

po lufta këtu,

ende s’ka mbaruar!

 

Ende të pushtuar,

nga fashizmi jemi,

se një datë të saktë,

për çlirimin s’kemi!

 

Fantazitë ende,

nuk kanë të sosur,

nëse na çliroi,

një forcë e armatosur?!

 

Apo një ushtri,

krejt idealiste,

vulosi fitoren,

mbi forcat naziste?!

 

Një ushtri pa armë,

fitoren vulosi,

këtë-Akademia,

sivjet do ta vendosi!

 

Ishin partizanët,

mbi forcat naziste,

apo skuadronet,

ballisto-zogiste?!

 

Gjithë këto boshllëqe,

sivjet do t’i mbushi,

sherr-Akademia,

e Skënder Gjinushit!

 

Sherr-Akademi,

e kemi emërtuar,

se Skënder Gjinushi,

nuk është dekretuar!

 

S’e ka dekretuar,

Presidenti Meta,

ndaj do jetë vështirë,

të dalë e vërteta!

 

Dhe deri në ditën,

që do dalë Dekreti,

pesha-Vaso Toles,

në kurriz i mbeti!

 

Vaso Tole është,

familje dëshmori,

ndaj ai anon,

nga Njëzet e Nëntë Nëntori !

 

N’Akademi janë,

shumicë sharlatanët,

vështirë do ta kenë,

sërish partizanët!

 

Fitorja e madhe,

kundër nazi-fashistëve,

mund t’u faturohet,

ballisto-zogistëve!

 

Jo se s’kishin armë,

dhe uniforma s’veshën,

dhe me ushtrinë fashiste,

kurrë nuk u ndeshën!

 

Armët që s’i ngritën,

kurrë kundër gjermanëve,

ata i ngritën vetëm,

kundër partizanëve!

 

Sado të bëjë Vasua,

bir i partizanëve,

s’fiton dot mbi trimat,

e njëqind sahanëve!

 

Po të qe Skënderi,

djali i gjeneralit,

më lehtë do ta kishin,

shqiponjat e malit!

 

Gjer në fund-Nëntori,

Presidenti Metë,

vështirë që të nxjerri,

një tjetër Dekret!

 

S’është ndonjë çudi,

Nëntorin që jemi,

sherr-Akademinë,

pa Kryetar ta kemi!

 

Dimë-nga pozicioni,

Meta nuk lëviz,

ndaj Vasua do mbajë,

kryqin në kurriz!

A.DUKA